Innovations in Science and Technologies, 2026, т. 3, № 9, с. 308-318
O'ZBEKISTON RESPUBLIKASIDA XIZMATLAR SOHASINI RIVOJLANTIRISH BORASIDAGI DAVLAT SIYOSATINING JAHON TAJRIBASIGA INTEGRATSIYALASHUVI
Аннотация · Abstract
Ushbu maqolada O'zbekiston Respublikasida xizmatlar sohasini, xususan turizm va yo'lbo'yi xizmatlari yo'nalishlarini rivojlantirishda davlat siyosatining jahon tajribasiga integratsiyalashuv jarayonlari tadqiq etilgan. Tadqiqotning dolzarbligi shundan iboratki, O'zbekistonda xizmatlar sohasi boshqa tarmoqlarga nisbatan yangi bo'lib, raqobat kuchayib borayotgan sharoitda yangi iste'molchilarni jalb qilish xarajatlari tobora oshib bormoqda va bu ko'rsatkich mavjud mijozlarni ushlab qolish xarajatlaridan bir necha barobar yuqori bo'lib, davlat tomonidan maqsadli qo'llab-quvvatlash mexanizmlarini xalqaro amaliyot bilan uyg'unlashtirishni taqozo etadi. Maqolaning maqsadi — 2022-yilda e'lon qilingan davlat chora-tadbirlari misolida O'zbekistonda xizmatlar, xususan turizm va yo'lbo'yi xizmatlari sohasini rivojlantirish bo'yicha davlat siyosatining mazmun-mohiyatini hamda uning xalqaro tajriba bilan uyg'unlik darajasini ochib berishdan iborat. Tadqiqotda qiyosiy tahlil, statistik tahlil, mantiqiy umumlashtirish va monografik kuzatish usullaridan foydalanilgan; ma'lumotlar bazasi sifatida davlat dasturlari, hukumat qarorlari, xalqaro tashkilotlar hisobotlari hamda ilmiy adabiyotlar tanlangan. Natijalar shuni ko'rsatdiki, turizm salohiyati yuqori bo'lgan 45 ta tog'li va tog'oldi tumanda yo'l, aloqa va mehmonxona infratuzilmasini rivojlantirish orqali turizm xizmatlari hajmini 3-4 barobar oshirish, shuningdek soliq imtiyozlari va imtiyozli kreditlar hisobiga yangi ish o'rinlari yaratish mumkinligi aniqlandi. Shuningdek, magistral yo'l bo'yi va chegara oldi hududlarida logistika xizmatlarini, yirik shaharlarda esa yuqori daromadli tibbiyot, ta'lim va san'at xizmatlarini rivojlantirish bo'yicha aniq mexanizmlar ishlab chiqilgani aniqlandi. Tadqiqot davomida O'zbekiston tajribasining Xitoy, Qozog'iston va Qirg'iziston kabi mamlakatlarning ichki turizmni rivojlantirish siyosati bilan umumiy va farqli jihatlari aniqlangan, bu esa milliy siyosatni xalqaro kontekstda baholash imkonini beradi. Tadqiqot natijalari mintaqaviy xizmatlar sohasi siyosatini takomillashtirishda, davlat dasturlarining samaradorligini oshirishda hamda xalqaro tajribani milliy sharoitga moslashtirishda amaliy ahamiyatga ega.
Сведения · Details
- Журнал · Journal Innovations in Science and Technologies
- Язык · Language узбекский
- Цитирования (Crossref) · Citations 0