ТАСНИФИ СЕМАНТИКИИ ПАСВАНДҲОИ ИФОДАКУНАНДАИ МАФҲУМИ “МОНАНД” ДАР ЗАБОНҲОИ АНГЛИСӢ ВА ТОҶИКӢ
Масъалаи таснифи воситаҳои ифодаи мафҳуми “монанд” дар забони англисӣ ва муодили онҳо дар забони тоҷикӣ мавриди таҳқиқ қарор гирифтааст. Дар забони англисӣ пасвандҳои сифатсоз яке аз воситаҳои ифодаи мафҳуми “монанд” мебошанд. Натиҷаи таҳқиқот нишон медиҳад, ки дар низоми калимасозии сифати забони англисӣ 11 адад пасванд барои ифодаи мафҳуми “монанд” истифода бурда мешавад, ки муодилҳои онҳо дар забони тоҷикӣ асосан пасвандҳои –она (-гона, -ёна), -ӣ мебошанд. Қайд шудааст, ки пасвандҳои мазкурро аз рӯи хусусиятҳои маъноӣ гурӯҳбандӣ намудан мумкин аст. Таснифоти пасвандҳои ифодакунандаи мафҳуми “монанд” пешниҳод шудааст: маънои монанд аз ҷиҳати шакл, шабеҳ аз ҷиҳати хусусият ё аломат, монанд аз ҷиҳати ранг, монанд аз ҷиҳати намуди зоҳирӣ, хислат ё рафтор ва ғайра.
Сведения
- Опубликовано
- 2025 · Т. 105, № 4
- Источник
- cyberleninka.ru
- Язык
- Таджикский
- ISSN
- 2413-2004 · 3005-849X
- Издатель
- ТГУПБП