ТАЪСИРПАЗИРИИ РАСОИЛИ АБДУЛҲАМИДИ КОТИБ АЗ ОЙИНИ НОМАНИГОРИИ ТОИСЛОМИИ ФОРСӢ
Мероси номанигории арабизабони форсу тоҷик Абдулҳамиди Котиб баррасӣ шудааст. Дар асоси осори адабии тоисломии эронӣ ва осори муҳаққиқони асрҳои миёна хулоса шудааст, ки пас аз фатҳи араб бисёре аз осори тоисломии эронӣ ба адабиёти арабизабон интиқол шуданд. Идомаи суннатҳои номанигории тоисломии эронӣ дар эҷодиёти Абдулҳамиди Котиб ба риштаи таҳлил кашида шудааст. Дар расоили Абдулҳамиди Котиб аз ҷумла дар “Рисола или-л-куттоб”, “Дар васфи бародарӣ” ва “Номаи Абдулҳамиди Котиб аз сӯи Марвон ибни Муҳаммад ба писар ва валиаҳди ӯ-Абдуллоҳ”масъалаҳои қаблан таҳқиқнашуда, ба монанди суннатҳои номанигории тоисломии эронӣ (аз қабили ойинҳои дабирӣ, дар васфи бародарӣ ва ойини ҳарб), инъикос ёфтаанд. Хулоса шудааст, ки номаҳои Абдулҳамиди Котиб ҳам дар рушду ташаккули номанигорӣ ва ҳам дар пешрафти адабиёти арабизабони форсу тоҷик саҳми назаррас гузоштааст.
Сведения
- Опубликовано
- 2024 · Т. 98, № 1
- Источник
- cyberleninka.ru
- Язык
- Таджикский
- ISSN
- 2413-2004 · 3005-849X
- Издатель
- ТГУПБП