ТАШАККУЛ ВА ТАҲКИМИ МАҚОМОТИ МИЛИТСИЯ ДАР ШИМОЛИ ТОҶИКИСТОН
Қайд шудааст, ки таърихи ташаккули мақомоти милитсия дар ш. Хуҷанд, атрофи он ва дигар ноҳияҳои шимоли Тоҷикистон бевосита ба ғалабаи Инқилоби Октябр вобаста аст. Таъкид гардидааст, ки дар солҳои аввали ҳокимияти шӯравӣ ноҳияи Ашт аз лиҳози маъмурӣ ба ҳайъати уезди Намангони вилояти Фарғонаи ҶМШС Туркистон дохил мешуд, бинобар ин мақомоти милитсияи ноҳияи мазкур дар ҳайъати уезди Намангон таъсис ёфта буд. Њамчунин ташаккули милитсияи ноҳияи Канибодом ва Исфара дар ҳайъати мақомоти милитсияи уезди Қӯқанди вилояти Фарғона сурат гирифтааст. Дар асоси додаҳои бойгонӣ пойгоҳи моддӣ ва аслиҳаи дастаҳои милитсия муайян карда шудаанд. Қайд шудааст, ки милитсияи уезди Хуҷанд дар ихтиёр 16 намуди аслиҳа, аз ҷумла милтиқи панҷтираи русӣ, берданка, яроқҳои англисӣ, фаронсавӣ, амрикоӣ, австриягӣ, туркӣ ва японӣ дошт. Саҳми мақомоти милитсия дар мубориза зиддӣ босмачиён инъикос ёфтааст. Таъкид мегардад, ки таҷрибаи дар раванди ташаккули милитсияи коргару деҳқон андӯхта аҳаммияти калони амалӣ ва ахлоқӣ дошта, метавонад барои беҳтар намудани фаъолияти мақомоти ҳифзи тартиботи ҳуқуқӣ мавриди истифода қарор гирад.
Сведения
- Опубликовано
- 2022 · Т. 92, № 3
- Источник
- cyberleninka.ru
- Язык
- Таджикский
- ISSN
- 2413-2004 · 3005-849X
- Издатель
- ТГУПБП