ТАНЗИМИ АНДОЗ ҲАМЧУН ВОСИТАИ ФАЪОЛГАРДОНИИ САРМОЯГУЗОРИИ МИНТАҚА
Танзими андоз ҳамчун воситаи фаъолгардонии сармоягузории минтақа баррасӣ мегардад. Дар заминаи муайян намудани моҳияти категорияҳои хавф ва иқтидори андоз зарурати ташаккули муҳити мусоиди андоз дар сатҳи минтақа асоснок карда шудааст. Таъсири танзими андоз барои баланд бардоштани ҷолибияти сармоягузории минтақа таҳқиқ карда шудааст. Зикр гардидааст, ки ташаккули фазои ҷолиби сармоягузорӣ аз низоми андоз ду шарти муҳимро тақозо менамояд: гаронии оқилонаи андоз ва устувории қонунгузории андоз. Нақши механизмҳои андозӣ дар ташаккули фазои мусоиди сармоягузории минтақа дар мисоли вилояти Суғд таҳлил шудааст. Муайян карда шудааст, ки татбиқи васеи имтиёзҳои андоз дар минтақа на ҳамеша аз лиҳози иқтисодӣ асоснок мебошад. Дар заминаи таҳқиқоти гузаронидашуда тавсияҳо оид ба такмили механизмҳои андозӣ ҷиҳати баланд бардоштани ҷолибияти сармоягузорӣ дар сатҳи минтақа таҳия шудааст.
Сведения
- Опубликовано
- 2026 · Т. 108, № 3
- Источник
- cyberleninka.ru
- Язык
- Узбекский
- ISSN
- 2411-1945 · 3005-8023
- Издатель
- ТГУПБП