ТАМОЮЛҲОИ МУОСИР ВА ДУРНАМОИ РУШДИ МОНИТОРИНГИ АНДОЗ ДАР ҶУМҲУРИИ ТОҶИКИСТОН
Рушди босуръати технология ва автоматикунонии бизнес–равандҳо дар шароити имрўза татбиқи шаклу усулҳои нави мониторинги андозро, ки ҳамкории иттилоотии ташкилотҳоро бо мақомоти андоз тариқи электронӣ пешбинӣ менамояд, тақозо менамояд. Ҳадафи тадқиқот муайян намудани нақш ва аҳамияти мониторинги андоз дар низоми андози Ҷумҳурии Тоҷикистон, арзёбии самарабахшии татбиқи мониторинги андоз дар марҳилаи муосир ва дурнамои истифодаи минбаъдаи он ба ҳисоб меравад.Тамоюлҳои муосири татбиқи мониторинги андоз, бартариҳои низоми мазкур, инчунин мушкилоти дар раванди татбиқ ва дурнамои рушди чунин шакли назорат дар Ҷумҳурии Тоҷикистон бамиёноянда таҳқиқ карда шудаанд. Мониторинги андоз боиси коҳиш ёфтани ҳуқуқвайронкунии андоз ва санҷишҳои риояи қонунгузории андоз, баланд гардидани сифати фаъолияти назоратии мақомоти андоз мегардад. Дар раванди тадқиқот усулҳои таҳлил ва синтез, муқоиса ва умумигардонии маълумот, истифода шудааст. Натиҷаҳои кор метавонад зимни таҳияи тағйирот ба қонунгузории андоз, коркарди меъёрҳои арзёбии самаранокии мониторинги андоз истифода карда шаванд.
Сведения
- Опубликовано
- 2022 · № 3 (92)
- Источник
- cyberleninka.ru
- Язык
- Таджикский
- ISSN
- 2411-1945 · 3005-8023
- Издатель
- ТГУПБП