ТАҲҚИҚИ СИККАҲОИ СОМОНӢ ДАР ЭРОН
Мақолаи мазкур фарогири мухтасари таҳқиқи сиккаҳои сомонӣ дар Эрон мебошад. Муаллиф муайян кардааст, ки дар таҳқиқи сиккаҳои сомонӣ дар Эрон аз ҳама бештар ва беҳтар Абдуллоҳ Қучонӣ ва Ҳасанризои Боғбедӣ саҳм гузоштаанд. М. Ноҷӣ бевосита сиккаҳи сомониро таҳқиқ накарда, иттилои сарчашмаҳои хаттӣ ва баъзе адабиёти илмиро доир ба муомилоти пулии Сомониён таҳлил кардааст. Олими сомонишиноси эронӣ Ҷ. Ҳиравӣ дар таҳқиқоти худ ба сиккаҳои сомонӣ камтар таваҷҷуҳ кардааст. Олимони эронӣ дар таҳқиқи сиккаҳои сомонӣ ба масъалаҳои метрологӣ ва топографии сиккаҳо аҳаммият надодаанд. То имрӯз дар Эрон доир ба сиккаҳои сомонӣ асари ҷиддии ҷудогона чоп нашудааст. Инчунин дар осорхонаҳои Эрон сиккаҳои сомонӣ ҷамъоварӣ шудаанд, аммо феҳристи сиккаҳои сомонии Эрон то ҳол чоп нашудааст. Дар муқоиса бо Аврупо, Русия ва Осиёи Миёна сиккаҳои сомонӣ дар Эрон камтар таҳқиқ шудаанд.
Сведения
- Журнал
- Historian
- Опубликовано
- 2023 · № 3 (35)
- Источник
- cyberleninka.ru
- Язык
- Таджикский
- ISSN
- 2709-7382
- Издатель
- ИНСТИТУТ ИСТОРИИ, АРХЕОЛОГИИ И ЭТНОГРАФИИ ИМЕНИ АХМАДА ДОНИША НАЦИОНАЛЬНОЙ АКАДЕМИИ НАУК ТАДЖИКИСТАНА