O‘PKA EXINOKOKKOZI JARROHLIGI
O‘pka exinokokkozi bilan 182 nafar bemorning (shulardan, 126 nafari asoratlanmagan va 56 nafari asoratlangan o‘pka exinokokkozi bilan kasallangan ) jarrohlik davolash natijalari tahlili taqdim etiladi. 25 bemordan faqat 23 nafarida sof torakoskopik usulda exinokokkektomiya qilish imkoniyati bo‘ldi. 134 ta holatda mini-kirish yo‘li orqali videotorakoskopik exinokokkektomiya amalga oshirildi. O‘pkada kistalarning ikki tomonlama lokalizatsiyasi bilan 7 bemorda bosqichma-bosqich operatsiyalar o‘tkazildi, 3 ta (36,36%) holatda esa bir bosqichli exinokokkektomiya bajarildi. 25 bemorda o‘pkadan exinokokkektomiya keng torakotomik kesim orqali amalga oshirildi. Barcha bemorlarga oldingi-yon torakotomiya qilindi. Asosiy (97,67%) holatlarda o‘pkada organ saqlovchi operatsiyalar bajarilish bilan birga fibroz qoldiq bo‘shliq turli modifikatsiyada bartaraf etildi. Kistalarning o‘pkaning chekka qismida joylashuvida va pnevmotsirrozda 2 nafar bemorda o‘pka to‘qimasini exinokokk kistasi bilan birga rezeksiya qilindi. 10 nafar bemorda o‘pka va jigarning qo‘shma exinokokkozi bilan operatsiya qilindi. 6 bemorda bir vaqtning o‘zida alohida kesmalar orqali o‘pka va jigarda jarrohlik aralashuvlar amalga oshirildi. O‘pka exinokokkozida bemorlarning 2/3 qismidan ko‘prog‘ida minimal invaziv usullardan foydalanish mumkin.
Сведения
- Журнал
- Research Focus
- Опубликовано
- 2023 · Т. 2, № 10
- Источник
- cyberleninka.ru
- Язык
- Узбекский
- Издатель
- Ветеринария ИТИ ва “Илм-фан ва инновациялар академияси” МЧЖ