Central AsianResearch Index

НАҚШИ СОЗМОНҲОИ СИЁСИИ БАЙНАЛХАЛҚӢ ДАР РУШДИ СИЁСИИ ҶУМҲУРИИ ТОҶИКИСТОН

Нақши созмонҳои сиёсии байналхалқӣ дар рушди сиёсии Ҷумҳурии Тоҷикистон мавриди таҳқиқ қарор дода шудааст. Заминаҳо ва ангезаҳои Тоҷикистон дар самти ҳамкории кишвар бо созмонҳои сиёсии байналхалқӣ ба риштаи таҳлил кашида шудаанд. Ошкор карда шудааст, ки созмонҳои сиёсии байналхалқӣ дар самтҳои мухталиф дар рушди сиёсии Тоҷикистон нақши муҳим гузоштаанд. Созмонҳои байналхалқӣ ҳамчун майдони муҳим барои худмуаррифии Тоҷикистон дар сатҳи байналхалқӣ дониста шудаанд. Нақши меъёрофарии созмонҳои байналхалқӣ дар таҳаввулоти сиёсии Тоҷикистон муҳим баҳогузорӣ шудааст. Ҳамчунин нақши созмонҳои сиёсии байналхалқӣ дар раванди демократикунонӣ ва таҳкими унсурони он дар Тоҷикистон, раванди сулҳофаринӣ, барқарорсозии пас аз низоъ, машруиятбахшии ҳокимияти сиёсӣ, таҳким ва тақвияти ҷомеаи шаҳрвандӣ дар Тоҷикистон, таъмини суботу оромӣ ва бароҳмонии ислоҳоти сиёсӣ ва ниҳодӣ муҳим арзёбӣ гардидааст. Зикр карда шудааст, ки зери таъсири омилҳои мухталифи замонӣ сиғаи ҳамкориҳои Тоҷикистон бо созмонҳои сиёсии байналхалқӣ дар замони соҳибистиқлолӣ тағйир пазируфтааст.

Сведения

Опубликовано
2023 · Т. 97, № 4
Источник
cyberleninka.ru
Язык
Таджикский
ISSN
2411-1945 · 3005-8023
Издатель
ТГУПБП