МУҚОИСАИ МАОНӢ ВА ВАЗИФАҲОИ ПАЙВАНДАКИ «АГАР» ДАР ОСОРИ САДАҲОИ Х-ХIII ВА ДАВРАИ МУОСИР
Ҳарчанд таҳқиқоти бисёре доир ба маънову вазифаи пайвандакҳои шартӣ ва сохтори онҳо сурат гирифтааст, бо вуҷуди ин наметавон ин масъаларо ҳалшуда пиндошт. Аз ин рӯ, муаллиф баъзе нуктаҳои муҳимми марбут ба усулҳои истифодаву тобишҳои маъноии пайвандаки шартии пайвандаки «агар»-ро, ки аз назари муҳаққиқон дур мондаанд, дар осори садаҳои Х-ХIII ва давраи муосир ба риштаи таҳлил кашидааст.Таъкид шудааст, ки аз лиҳози сохтор ҷумлаҳои мураккаби тобеи шартии осори садаҳои Х-ХIII, ки бо пайвандаки шартии «агар» сохта шудаанд, аз забони адабии муосири тоҷикӣ фарқи ҷиддӣ надоранд. Аз таҳлилу муқобалаи шавоҳиди баррасишуда чунин бардошт мешавад, ки истифода ва тобишҳои маъноии пайвандаки «агар» дар ду давраи мавриди қиёс ҳамсон нест. Ин пайвандак дар осори қарнҳои Х-ХIII аз лиҳози вусъати корбурд ва тобишҳои маъноӣ густарда буда, дар даврони муосир маҳдуд шудааст.
Сведения
- Опубликовано
- 2023 · Т. 95, № 2
- Источник
- cyberleninka.ru
- Язык
- Таджикский
- ISSN
- 2413-2004 · 3005-849X
- Издатель
- ТГУПБП