МАВҚЕИ ИБОРАҲОИ ИСМӢ ДАР ОСОРИ ҲОҶӢ ҲУСАЙНИ КАНГУРТӢ
Ин мақола ба таҳқиқи вижагиҳои сохт ва вазифаҳои ибораҳои исмӣ дар осори шоири барҷастаи тоҷик Ҳоҷӣ Ҳусайни Кангуртӣ (асрҳои XIX-XX) бахшида шудааст. Муаллиф навъҳои гуногуни ибораҳои исмиро таҳлил намуда, навъҳои сохторӣ (изофӣ, пайвасткунанда, тобеъкунанда) ва хусусиятҳои маъновии онҳоро муайян мекунад. Таваҷҷуҳи махсус ба басомади истифодаи анвои гуногун, нақши онҳо дар офариниши образҳои бадеӣ ва ифоданокии забони шоир равона карда мешавад. Дар мақола ибораҳои исмии изофӣ, ки навъи маъмултарин ба шумор мераванд, ба таври муфассал баррасӣ шуда, хусусиятҳои морфологии онҳо (таркиби исмҳо бо исмҳо, сифатҳо, ҷонишинҳо, сифатҳои феълӣ) таҳлил мегарданд. Ҳамчунин ибораҳои исмии пайвасткунанда ва нақши онҳо дар ифодаи муносибатҳои номбаркунӣ ва пайвасткунӣ таҳқиқ мешаванд. Таҳлили алоҳида ба ибораҳои исмӣ бо ҷузъҳои тобеъ, ки бо ҳиссаҳои гуногуни нутқ (шумораҳо, ҷонишинҳо, сифатҳо, зарфҳо) ифода ёфтаанд ва вазифаҳои семантикии онҳо гузаронида мешавад. Муаллиф ба хулоса меояд, ки ибораҳои исмӣ дар ташаккули услуби инфиродии Ҳоҷӣ Ҳусайни Кангуртӣ нақши муҳим дошта, ба офариниши образҳои равшан ва таъсирбахш мусоидат намуда, сохтори луғавӣ-маъноии матнро ғанӣ мегардонанд ва хусусиятҳои тафаккури шоиронаи муаллифро инъикос мекунанд.
Сведения
- Опубликовано
- 2025 · № 2 (115)
- Источник
- cyberleninka.ru
- Язык
- Таджикский
- ISSN
- 2219-5408
- Издатель
- Таджикский государственный педагогический университет имени Садриддина Айни