Central AsianResearch Index

МАРҲИЛАҲОИ ТАШАККУЛ ВА РУШДИ ФАРҲАНГИ СУГДИЁН

Мақола ба баррасии марҳилаҳои пайдоиш ва тарақии тамаддуни сугдӣ дар Осиёи Миёна бахшида шудааст.Тазаккур меравад, ки сугдиён яке аз қавмҳои қадимтарини Осиёи Миёна буда, дар ташаккули тамаддуни ҷаҳонӣ нақши муҳим гузошта, огози тамаддуни онҳо ба ҳазорсолаи IV то мелод рост омада, раванди ташаккули он ба чанд марҳила тақсим мешавад. Таъкид шудааст, ки нишонаи аввалини тамаддуни сугдиён Саразми бостон мебошад. Марҳилаи дуюми тамаддуни Сугд ибтидои ҳазорсолаи I то мелод огоз меёбад, ки ин замони ташаккули худи сугдиён ҳамчун гурӯҳи мустақили этникӣ аст. Бо пайдоиши эллинизм марҳилаи сеюми ташаккули фарҳанги сугдӣ огоз ёфта, то нимаи дуюми асри IV давом кардааст. Марҳилаи чорум, ки ба нимаи дуюми асри IV рост меояд, бо ҳуҷуми қавмҳое огоз мешавад, ки сугдиён онҳоро бо номи хуннҳо медонистанд. Марҳилаи панҷуми ташаккули фарҳанги сугдӣ аз асри V то истилои арабҳо давом кардааст. Марҳилаи шашуми ташаккули фарҳанги сугдӣ ба замони истилои арабҳо рост меояд. Истилои арабҳо барои паҳншавии дини ислом ва забони арабӣ дар Мовароуннаҳр, аз ҷумла дар Сугд мусоидат намуд.

Сведения

Опубликовано
2021 · № 3 (68)
Источник
cyberleninka.ru
Язык
Узбекский
ISSN
2077-4990
Издатель
Худжандский государственный университет имени академика Бабаджана Гафурова