МАҚОМИ БИСЁРҲИЗБӢ ДАР НИЗОМИ СИЁСИИ ЗАМОНИ МУОСИР
Масъалаи бисёрҳизбӣ дар шароити муосир мавриди баррасӣ қарор гирифтааст. Зикр карда шудааст, ки низоми бисёрҳизбӣ дар кишварҳои дорои режими мухталиф дошта ба таври ба худ хос ба роҳ монда шуда, ташаккул ва рушди он яке аз аломатҳои муҳими самаранокии низоми сиёсии ҷомеа, омили муҳими мустаҳкамсозии хусусияти демократии давлат, таъмини ҳуқуқ ва озодиҳои шаҳрванд мебошад. Муаллифон бар он назаранд, ки муносибати байни ҳизбҳои сиёсӣ дар доираи низоми ҳизбии кишвари алоҳида бо иштироки кулли ҳизбҳо ба роҳ монда мешавад. Ҳизбҳои сиёсӣ шаклгирии раванди сиёсиро дигаргун сохта, имконияти таъсиррасонии шаҳрвандонро ба ҳокимият афзудаанд. Фаъолияти онҳо ба рушди ниҳодҳои ҷомеаи шаҳрвандӣ мусоидат менамояд. Муаллифон зуҳури ҳизбҳои сиёсиро ба ташаккули табақаҳои нави иҷтимоӣ, инчунин ниҳоди идоракунии намояндагӣ алоқаманд менамоянд. Маҳз ин омилҳо ба ташаккули аввалин ҳизбҳои сиёсии оммавӣ ҳамчун ниҳоди алоҳида мусоидат карданд. Ташаккули ҳизбҳои сиёсӣ ба раванди модернизатсия, ташаккули давлатҳои миллӣ, рушди ниҳодҳои ҷомеаи шаҳрвандӣ алоқаманд дониста шудааст. Ҳизбҳои сиёсӣ ҳамчун намояндагии манфиату талаботи сиёсиву ҷамъиятии одамон дар асоси мафкуравӣ муттаҳид шуда, мақсади ба даст овардани ҳокимияти давлатиро барои ҳифзи манфиатҳо ва амалӣ намудани талаботи гурўҳи муайян пеш мебаранд.
Сведения
- Опубликовано
- 2022 · № 3 (92)
- Источник
- cyberleninka.ru
- Язык
- Таджикский
- ISSN
- 2411-1945 · 3005-8023
- Издатель
- ТГУПБП