Central AsianResearch Index

МАҚОЛАИ ШАРИФҶОН ҲУСЕЙНЗОДА ВА АВВАЛИН НАҚДИ МАВОДИ РӮЗНОМАИ “ҲАҚИҚАТИ СУҒД”

Дар мақола масъалаи нақди маводи адабии рӯзномаи “Пролетари Хуҷанд” (айни ҳол “Ҳақиқати Суғд”) аз ҷониби Шарифҷон Ҳусейнзода баррасӣ шудааст. Мақолаи Ш.Ҳусейнзода ”Дар роҳи санъати бузурги сотсиалистӣ” унвон дошта, таҳлилу баррасӣ ва нақди кӯтоҳе ба саҳифаи адабии “Адабиёт ва саноеии нафиса” мебошад. Таъкид мешавад, ки дар соли дувуми нашри ба риштаи нақд кашида шудани фаъолияти адабии рӯзномаи “Пролетари Хуҷанд” ва саҳифаи адабии он маълум месозад, ки ҷарида дар тарғибу ташвиқи илму адаб саҳми арзанда доштааст ва имрӯз ҳам ин рисолатро сарбаландона ба ҷо меорад.Пажӯҳиш нишон медиҳад, ки рӯзнома аллакай аз рӯзҳои нахустини нашри хеш ба масъалаҳои адабиёт, ба вижа тарғибу ташвиқи адабиёти миллӣ таваҷҷуҳ намуда, дар баробари нашри ҳикояву шеърҳои ҷолиб саҳифаи махсуси адабӣ бо номи “Адабиёт ва саноеи нафиса” доштааст. Мақолаи Шарифҷон Ҳусейнзода ”Дар роҳи санъати бузурги сотсалистӣ”-ро аз мақолаҳои бозёфтии адабиётшиноси маъруф, ки дар оғози фаъолияти илмии хеш иншо намудааст ва то кунун дастраси аҳли назар набуд, шинохтан мумкин аст.

Сведения

Опубликовано
2023 · № 3 (76)
Источник
cyberleninka.ru
Язык
Таджикский
ISSN
2077-4990
Издатель
Худжандский государственный университет имени академика Бабаджана Гафурова