ИСТИФОДАИ ВОСИТАҲОИ МУОСИРИ РАҚАМИКУНОНӢ ДАР БАҲИСОБГИРИИ ИДОРАКУНӢ
Дар мақолаи мазкур вазъи имрӯзаи пешбурди баҳисобгирии идоракунӣ дар корхонаҳои тиҷоратии Ҷумҳурии Тоҷикистон таҳқиқ карда шуда, имконияти истифодаи воситаҳои рақамикунонӣ дар баҳисобгирии идоракунӣ таҳлил ва арзёбӣ карда мешавад. Тасдиқ карда мешавад, ки дар шароити муосири рушди технологияҳои иттилоотӣ низоми муассири баҳисобгирии идоракунӣ бидуни корбурди воситаҳои муосири рақамикунонӣ, аз ҷумла маҳсулоти нармафзор (барномаҳои компютерӣ)-и муҳосибӣ фаъолият карда наметавонад. Рушди рақамикунонӣ ва технологияҳои иттилоотии баҳисобгирии муҳосибӣ бояд ба такмили раванди идоракунии фаъолияти молиявию хоҷагидории субъектҳои иқтисодӣ мусоидат кунад. Дар асоси таҳлил ва арзёбии шароит ва имконияти истифодаи воситаҳои муосири рақамикунонӣ, аз ҷумла ҷадвалҳои электронӣ ва нармафзори муҳосибии дар асоси низоми ERP (enterprise resource planning банақшагирии захираҳои корхона) сохташуда тасдиқ карда мешавад, ки бо ёрии барномаи 1С: ERP метавон низоми иттилоотии ҳамаҷонибаи идоракунии корхона, аз ҷумла иҷрои вазифаҳои баҳисобгирии идоракуниро ташкил кард.
Сведения
- Опубликовано
- 2024 · № 3 (42)
- Источник
- cyberleninka.ru
- Язык
- Таджикский
- ISSN
- 2663-0389
- Издатель
- Таджикский государственный финансово-экономический университет