ИНЪИКОСИ ТАЪРИХИ БАРМАКИЁН ДАР ОСОРИ АКАДЕМИК В.В.БАРТОЛД
Нақши ховаршиноси маъруф, академик В.В.Бартолдро дар омӯзиши таърихи Бармакиён арзёбӣ гардида, ин олим яке аз аввалин муҳаққиқони таҳқиқи таърихи ин хонадон дар аҳди Шӯравӣ маҳсуб шудааст. Академик В.В.Бартолд хонадони Бармакиёнро аз форсиён (тоҷикон)-и Балх медонад, ки аз аҳди бостон муқими Хуросон буда, дар маъбади Навбаҳори Балх насл ба насл хидмат намуда, дар замони ислом дар эҳёи суннатҳои бостонии эрониён талошҳо карда, дар идораи хилофати Бағдод дар нимаи дувуми асри VIII усули девондории Сосониёнро татбиқ намуданд. Роҷеъ ба маъбади Навбаҳор дар Балх академик В.В.Бартолд назари хоси худро дорад ва бо такя ба ахбори манобеи таърихӣ, ба хусус ба ахбори Ибни Фақеҳ ва роҳиби хитоӣ Сюань Цзан муҳаққиқ ба хулосае меояд, ки ин маъбади буддоиён будааст. Ба назари В.В.Бартолд эрониён, ки ба дунболи пайванди хонаводаи муҳтарами эрониасл, яъне Бармакиён бо суннатҳои подшоҳони Сосонӣ буданд, бинобар ин маъбади буддоии Навбаҳорро оташкадаи зардуштӣ гуфтанд; бунёди ин маъбадро ба подшоҳони эронии даврони бостон нисбат дода, вазирони давлати Сосониёнро аз насли роҳибони бузурги он эълон доштанд. В.В.Бартолд дар мақолаҳои худ, ки ба таърих, сиёсат, иқтисод ва фарҳанги Мовароуннаҳру Хуросон ва Эрон бахшидааст, бо паймонаҳои каму беш аз хонадони Бармакӣ ёд намуда, ба ин восита дар ибтидои асри XX дар таърихнигории аҳди Шӯравӣ ба омӯзиши таърихи Бармакиён асос мегузорад.
Сведения
- Опубликовано
- 2023 · Т. 96, № 3
- Источник
- cyberleninka.ru
- Язык
- Русский
- ISSN
- 2413-2004 · 3005-849X
- Издатель
- ТГУПБП