ХУСУСИЯТҲОИ СОЗМОНДИҲӢ ВА БАРГУЗОРИИ ҶАШН ВА МАРОСИМҲОИ НАВИ ШЎРАВӢ ДАР ТОҶИКИСТОН
Дар мақола таҳлили таърихию фарҳангии ташаккулёбӣ ва ҷорӣ шудани ҷашнҳои шӯравӣ дар Тоҷикистон оварда шудааст. Қайд мегардад, ки дар ҳама давру замон вобаста батағйирёбии мафкураи давр, ҳаёти иҷтимоиву сиёсӣ ҷашнҳо ба майдони муборизаи падидаҳои нав бо анъанаҳои кўҳна намоён мегаштанд. Баъди Инқилоби Бузурги Октябри сотсиалистии соли 1917 тағйироти куллӣ дар баргузории ҷашну маросимҳо ба амал омаданд, шаклҳои нави ҷашнҳои миллӣ ва байналхалқӣ ташаккул ёфтанд. Ҳукумати шўравӣ сиёсати бедини ба роҳ монда буд, ки мутобиқи он даст каштдан аз ҷашну маросимҳои динӣ низ талаб карда мешуд. Суръати дур шудан аз расму оинҳои динӣ дар байни халқиятҳои Иттиҳоди Шўравӣ якхела набуд. Дар солҳо аввали Шӯравӣ шароитҳои нави меҳнатӣ, паҳн гаштани шаклҳои фарҳанги сотсиалистӣ, навгониҳо дар ҳаёти ҷамъиятӣ ва оилавӣ, худшиносии миллӣ, маҳдуд кардани мафкураи динӣ рух доданд. Муайян карда шудаанд, ки дар тамоми қаламрави шӯравӣ, аз ҷумла дар Тоҷикистон идҳои солгарди Инқилоби Октябр, Якуми май, Рузи артиши шўравӣ, Рўзи байналхалқии занон, рўзи қабули Конститутсия ва ғ. дар шакли тантана, чорабинии фароғатию оммавӣ ва дар доираи хонавода таҷлил мегаштанд.
Сведения
- Опубликовано
- 2023 · № 2 (75)
- Источник
- cyberleninka.ru
- Язык
- Таджикский
- ISSN
- 2077-4990
- Издатель
- Худжандский государственный университет имени академика Бабаджана Гафурова