Central AsianResearch Index

ФАРҲАНГИ АНДОЗ ҲАМЧУН УНСУРИ ТАКМИЛИ МУНОСИБАТҲОИ АНДОЗӢ

Масъалаи ташаккули маърифати андозӣ ва фарҳанги андози шаҳрвандон дар Ҷумҳурии Тоҷикистон таҳқиқ гардидааст. Унсури муҳимми такмили муносибатҳои иқтисодии байни давлат ва субъектҳои хоҷагидор ва аҳолӣ ташаккули фарҳанги андоз мебошад, ки ба касбият, масъулиятпазирӣ ва дониши ҳуқуқии намояндагони мақомоти қонунгузор ва иҷроияи ҳокимияти давлатӣ асос ёфта, рафтори мувофиқи аз лиҳози иҷтимоӣ фаъол ва маданию ахлоқии андозсупорандагонро таъмин менамояд. Муҳиммияти ташаккули фарҳанги андоз дар ҷомеа, инчунин сабабҳои асосии саркашии андозсупорандагон аз пардохти андоз асоснок шудааст. Дар асоси таҳлил самтҳои асосии таҳияи сиёсати андоз муайян карда шудаанд, ки дар он нақши асосиро маърифати молиявӣ ва иқтисодии шаҳрвандони кишвар мебозад. Роҳҳои баланд бардоштани маърифати андозӣ ва фарҳанги андози андозсупорандагон ҳамчун шарикони давлат пешниҳод шудааст. Асоснок карда мешавад, ки рушди босамари фарҳанги андози аҳолӣ танҳо тавассути ба қонунгузории андоз ворид намудани механизму воситаҳои танзими андоз, ки хусусияти муносибати иҷтимоиву фарҳангии шаҳрвандонро ба андоз ба назар мегиранд, имконпазир мебошад.

Сведения

Опубликовано
2025 · Т. 103, № 2
Источник
cyberleninka.ru
Язык
Таджикский
ISSN
2411-1945 · 3005-8023
Издатель
ТГУПБП