ЭТНОГРАФИЗМҲО ДАР НАСРИ СОРБОН
Усулҳои истифодаву тобишҳои маъноии этнографизмҳо дар осори насрии давраи муосир дар заминаи осори Сорбон баррасӣ шудааст. Таъкид гардидааст, ки дар забоншиносии муосири тоҷик масъалаи мазкур ба таври бояду шояд мавриди таҳқиқ қарор нагирифтааст. Вожаҳои этнографӣ ба ду гурӯҳ ҷудо карда шудаанд: а) калимаҳое, ки моҳиятан барои кулли ворисони забон умумианд; б) калимаҳое, ки дар минтақаҳои муайяни ҷуғрофӣ маъмул буда, барои муоширати доираи нисбатан маҳдуди аҳолӣ мусоидат менамоянд. Зикр гардидааст, ки унсурҳои этнографии осори Сорбон ба гурӯҳи дувум мансубанд. Унсурҳои мазкур асосан барои ифодаи номи ашёи гуногуни рӯзгор ва муносибатҳои одамон ба кор мераванд. Этнографизмҳои насри Сорбонро ба се гурӯҳ ҷудо кардан мумкин аст: 1) калимаҳое, ки ба ашёю лавозимоти манзил алоқаманданд; 2) калимаҳое, ки номи либос ва пойафзолро ифода менамоянд; 3) калимаҳое, ки мансубият ба хешиву таборӣ доранд. Таҳлили қиёсии этнографизмҳои осори Сорбон бо лексикаи шабеҳи гӯишҳои дигари забони тоҷикӣ сурат гирифтааст.
Сведения
- Опубликовано
- 2025 · Т. 105, № 4
- Источник
- cyberleninka.ru
- Язык
- Узбекский
- ISSN
- 2413-2004 · 3005-849X
- Издатель
- ТГУПБП