БАЪЗЕ НАМУНАҲОИ НАҚДИ АДАБӢ ДАР “ТУҲФАИ СОМӢ”-И СОММИРЗОИ САФАВӢ
Дар асоси нуктаҳо ва матлабҳои аслӣ аз ҷониби Соммирзо дар тазкираи “Тӯҳфаи Сомӣ” нақду баррасӣ шудани эҷодиёту сурудаҳои шоирону сарояндагони гуногундараҷаи зиёди нимаи аввали қарни XV исбот шудааст. Тазкираи Соммирзои Сафавӣ воқеан, миёни тазкираҳои адабӣ шуҳрат ва арзиши ҳам таърихию ҳам адабӣ дошта, дар бораи шоирони зиёди охири асри XV ва нимаи аввали асри XVI маълумоти муфид медиҳад. Асари Соммирзо аз нигоҳи нақди адабӣ мавриди таҳлил қарор гирифта, истилоҳоти нақдии тазкира ҷамъу дастабандӣ шудааст. Мақсади таҳқиқ муайян кардани омилҳои таъсир ва талаботи замон дар услуби нақди ин тазкира мебошад. Ошкорбаёниву шуҷоат ва насабу мақоми давлатӣ доштани Соммирзо сабаби нақди ошкоро ва мазамматии ӯ дониста шудааст. Ҳамчунин бо мисолҳои мушаххас нишон дода шудааст, ки дар баъзе мавридҳо ислоҳи абёти номавзуни суханварон аз ҷониби Соммирзо устувору бомавқеъ сурат гирифтааст.
Сведения
- Опубликовано
- 2022 · Т. 90, № 1
- Источник
- cyberleninka.ru
- Язык
- Таджикский
- ISSN
- 2413-2004 · 3005-849X
- Издатель
- ТГУПБП