ҶАНБАҲОИ СИЁСИИ ТАЪСИРГУЗОРИИ МУҲОҶИРАТ БА АМНИЯТИ МИЛЛӢ ДАР ШАРОИТИ МУОСИР
Ҷанбаҳои сиёсии таъсири муҳоҷират ба амнияти миллӣ мавриди баррасӣ қарор дода шудааст. Зикр шудааст, ки муҳоҷират ҳамчун падидаи мураккаби глобалӣ ба сиёсат, амният, иқтисодиёт ва фарҳанги кишварҳо таъсири амиқ мерасонад. Чунин таъсиррасонӣ ҳам дар давлати қабулкунанда ва ҳам дар давати интиқолдиҳандаи муҳоҷирон эҳсос карда мешавад. Дар шароити муосир сатҳи баланди муҳоҷират боис мегардад, ки кишварҳои интиқолдиҳандаи муҳоҷирон ба сиёсати давлатӣ, иқтисодӣ ва ҳуқуқии кишвари қабулкунанда вобастагии ҷиддӣ пайдо кунанд. Муҳоҷират дар муносибатҳои байнидавлатӣ на танҳо падидаи иҷтимоӣ ва иқтисодӣ, балки ба абзори фишороварии сиёсӣ низ табдил ёфтааст. Зикр шудааст, ки сатҳи баланди муҳоҷират ба раванди таҳкими соҳибистиқлолии давлат низ таҳдидҳои ҷиддӣ ба миён меорад. Вобастагии аҳолӣ аз даромади муҳоҷирон дар навбати худ на танҳо ба вобастаии сатҳи зиндагии аҳолӣ, балки ба вобастагии рушди устувори иқтисодии кишвар аз вазъи сиёсӣ ва қонунгузории давлати қабулкунанда оварда мерасонад. Эҳтимоли гирифтории муҳоҷирон ба доми фиреби ҳар гуна созмонҳои ғаразноки сиёсӣ, тундгаро ва ифротгаро ба таври махсус зикр шудааст.
Сведения
- Опубликовано
- 2026 · Т. 106, № 1
- Источник
- cyberleninka.ru
- Язык
- Таджикский
- ISSN
- 2411-1945 · 3005-8023
- Издатель
- ТГУПБП