THE ROLE OF COGNITIVE BEHAVIORAL THERAPY IN THE RESTORATION OF AN INDIVIDUAL'S PSYCHOEMOTIONAL STATE
Қазіргі білім беру жүйесінде білім алушылардың психоэмоционалдық әл-ауқатын қалыптастыру олардың тұлғалық дамуының, оқу жетістігінің және әлеуметтік бейімделуінің маңызды шарты ретінде қарастырылады. Осыған байланысты білім беру үдерісінде когнитивті-мінез-құлықтық технологияларды қолданудың педагогикалық ерекшеліктерін теориялық және практикалық тұрғыдан негіздеу өзекті ғылыми мәселелердің бірі болып табылады. Мақалада білім алушылардың психоэмоционалдық әл-ауқатын қалыптастыруда когнитивті-мінез-құлықтық технологияларды пайдаланудың теориялық-әдіснамалық негіздері мен педагогикалық мүмкіндіктері қарастырылады. Зерттеу барысында когнитивті-мінез-құлықтық тәсілдің білім алушылардың ойлау ерекшеліктерін, эмоционалдық жай-күйін және мінез-құлқын өзара байланыстыра отырып дамытудағы рөлі талданды. Сондай-ақ деструктивті ойлау үлгілерін анықтау және өзгерту, эмоцияларды тиімді реттеу, күйзеліс жағдайларын еңсеру, өзін-өзі бақылау дағдыларын қалыптастыру және бейімделген мінез-құлық стратегияларын дамытуға бағытталған когнитивті-мінез-құлықтық технологиялардың педагогикалық әлеуеті негізделді. Автоматты жағымсыз ойларды қайта құрылымдау, когнитивті қайта бағалау, рефлексия, өзін-өзі реттеу және мінез-құлықтық жаттығулар сияқты технологиялардың білім беру үдерісінде қолданылу ерекшеліктері сипатталды. Зерттеу нәтижелері когнитивті-мінез-құлықтық технологияларды педагогикалық практикада жүйелі қолдану білім алушылардың эмоционалдық тұрақтылығын арттыруға, психологиялық әл-ауқатын нығайтуға, оқу мотивациясын күшейтуге, коммуникативтік дағдыларын дамытуға және әлеуметтік бейімделуін жақсартуға ықпал ететінін көрсетті. Осы тұрғыдан алғанда, когнитивті-мінез-құлықтық технологиялар білім алушылардың психоэмоционалдық әл-ауқатын қалыптастырудың ғылыми негізделген әрі тиімді педагогикалық құралдарының бірі болып табылады.
Сведения
- Опубликовано
- 2026 · Т. 84, № 2
- Язык
- Английский
- ISSN
- 2312-475X
- Издатель
- K. Zhubanov Aktobe Regional University