Central Asian Research Index

Agro kimyo himoya va o`simliklar karantini, 2026, т. 124, № 9

KUZGI VA BAHORGI EKISH MUDDATLARIDA NO‘XAT NAVLARINING DON HOSILDORLIGI

Guljaxon Kamalovna Mirsharipova

Guliston davlat universiteti

Аннотация · Abstract

Maqolada 2005–2007-yillarda o‘tkazilgan dala tajribasi asosida no‘xat (Cicer arietinum L.) navlarining kuzgi va bahorgi ekish muddatlaridagi don hosildorligi tahlil qilingan. Tadqiqotning maqsadi – ekish muddatiga mos, yuqori va barqaror hosil beruvchi navlarni aniqlashdan iborat. Tajribada Uzbekistanskiy-32 (nazorat), Malxotra va Halima navlari ikki omilli sxemada (A omil – ekish muddati, B omil – nav) sinaldi, ma’lumotlar dispersion tahlil usulida ishlandi. Kuzgi ekishda Malxotra navi uch yil davomida o‘rtacha 31,8 s/ga don hosili berib, nazoratdan 3,4 s/ga (12,0%) ustun bo‘ldi, Halima navi esa nazoratga nisbatan 1,4 s/ga (4,9%) kam hosil shakllantirdi. Bahorgi ekishda Malxotra va Halima navlari nazoratga nisbatan mos ravishda 5,9 s/ga (25,9%) va 2,9 s/ga (12,7%) qo‘shimcha hosil berdi (EKF05 = 0,50 s/ga). Kuzgi ekish barcha navlarda hosildorlikni 1,3–5,6 s/ga oshirdi, nazorat va Malxotra navlarida hosilning yillararo o‘zgaruvchanligini 2,5–3,3 barobar kamaytirdi. Olingan natijalar Malxotra navini har ikki ekish muddati uchun, Halima navini esa asosan bahorgi ekish uchun tavsiya etish imkonini beradi.

Сведения · Details