Agro kimyo himoya va o`simliklar karantini, 2026, т. 124, № 9
MAHALLIY RUDADAN TEMIR(III) XLORID KOAGULYANTI OLISH TEXNOLOGIYASINING MODDIY BALANSI VA TEXNIK-IQTISODIY BAHOLANISHI.
Navoiy davlat konchilik va texnologiyalar universittti (PhD)
Navoiy davlat konchilik va texnologiyalar universiteti
Аннотация · Abstract
Ishning maqsadi mahalliy temir saqlovchi rudadan xlorid kislotali usulda suyuq temir(III) xlorid koagulyanti olish texnologiyasining moddiy balansini tuzish va uning reagent-energiya tannarxini import koagulyant narxi bilan solishtirishdan iborat. Tebinbuloq koni rudasini 28 % li HCl bilan 1 : 2,0 nisbatda 120 min qayta ishlash sharoiti uchun 1000 kg rudadan 2391 kg suyuq koagulyant (784,5 kg FeCl₃, 32,81 %) va 320 kg quruq kremnezemli qoldiq hosil bo‘lishi aniqlandi. Xlorid kislotaning uchta narx ssenariysida (26,80; 120,40 va 162,40 AQSh dollari/t) 1 t rudani qayta ishlashning reagent-energiya xarajati 78,0–349,2 AQSh dollarini tashkil etadi, kislota ulushi 68,7–93,0 %. 40 % li eritmaga ekvivalent koagulyant tannarxi 44,6–199,7 AQSh dollari/t bo‘lib, 2026 yil avgust oyidagi import narxidan (327,83–483,83 AQSh dollari/t) 2,4–7,3 baravar past. 1 m³ oqova suvni tozalashning reagent xarajati 0,2 kg/m³ dozada 0,007–0,033, 1 kg/m³ dozada 0,037–0,164 AQSh dollarini, «Navoiy IES» AJ uchun import koagulyantga nisbatan yillik tejam 45,8–786,2 ming AQSh dollarini tashkil etadi. Baholash ish haqi, amortizatsiya va umumzavod xarajatlarini hisobga olmaydi.
Сведения · Details
- DOI 10.63241/agro-4609
- Журнал · Journal Agro kimyo himoya va o`simliklar karantini
- Язык · Language узбекский
- Цитирования (Crossref) · Citations 0