Ta’minot zanjiri ishtirokchilari munosabatlarini baholash mexanizimlarini ishlab chiqish
Zamonaviy iqtisodiyotda mahsulotning raqobatbardoshligi faqat uni ishlab chiqaruvchi korxonaning ichki samaradorligi bilan belgilanmaydi. Xomashyo yetkazib beruvchidan boshlab, ishlab chiqaruvchi, transport-ekspeditorlik tashkiloti, ombor operatori, distribyutor, chakana savdo subyekti, moliyaviy va sug‘urta institutlari hamda yakuniy iste’molchigacha bo‘lgan barcha bo‘g‘inlarning qarorlari mahsulot tannarxi, yetkazib berish muddati va xizmat sifatiga birgalikda ta’sir ko‘rsatadi. Shu sababli ta’minot zanjiri iqtisodiy mexanizmi ishtirokchilarining o‘zaro munosabatlarini tahlil qilish alohida korxonalar faoliyatini tavsiflashdan ko‘ra kengroq ilmiy vazifani anglatadi.Ta’minot zanjiri bir tomondan texnologik ketma-ketlik, ikkinchi tomondan iqtisodiy manfaatlar tizimidir. Texnologik ketma-ketlik mahsulotning bir operatsiyadan boshqasiga o‘tishini ifodalasa, iqtisodiy tizim har bir ishtirokchining daromad olish, xarajatni kamaytirish, bozor mavqeyini mustahkamlash va tavakkalchilikni cheklashga qaratilgan qarorlarini qamrab oladi.
Сведения
- Опубликовано
- 2026 · Т. 3, № 3, С. 215-220
- Язык
- Узбекский
- ISSN
- 2181-2438 · 3060-5164
- Издатель
- Tashkent State Transport University