Mechanics and Technologies, 2026, № 3, с. 429-445
FLAVONOIDS AND PECTINS FROM ORANGE PEEL:CHEMICAL COMPOSITION, EXTRACTION METHODS, BIOLOGICAL ACTIVITY,AND APPLICATIONS
АПЕЛЬСИН ҚАБЫҒЫНДАҒЫ ФЛАВОНОИДТАР МЕН ПЕКТИНДЕР: ХИМИЯЛЫҚ ҚҰРАМЫ, ЭКСТРАКЦИЯ ӘДІСТЕРІ, БИОЛОГИЯЛЫҚ БЕЛСЕНДІЛІГІ ЖӘНЕ ҚОЛДАНЫЛУЫ
М.Х. Дулати атындағы Тараз университеті, Тараз, Қазақстан
М. Әуезов атындағы Оңтүстік Қазақстан университеті, Шымкент, Қазақстан
Аннотация · Abstract
Апельсин қабығы –цитрус жемістерін өнеркәсіптік өңдеу барысында көп мөлшерде түзілетін, флавоноидтар мен пектиндерге бай өсімдік текті қалдық. Осы шолу мақалада апельсин қабығының химиялық құрамы, негізгі флавоноидтары мен пектиндерінің құрылымдық ерекшеліктері, биологиялық белсенділігі, экстракция әдістері және практикалық қолданылу бағыттары ғылыми әдебиеттер негізінде талданды. Апельсин қабығында гесперидин, нарирутин, нобилетин және тангеретин сияқты флавоноидтар кездеседі. Бұл қосылыстар антиоксиданттық, қабынуға қарсы және микробқа қарсы қасиеттерімен сипатталады. Пектиннің функционалдық қасиеттері оның молекулалық массасына, метоксилдену дәрежесіне және тармақталған құрылымына тәуелді. Дәстүрлі қышқылдық экстракциямен қатар ультрадыбыстық, микротолқынды және ферменттік экстракция әдістерінің ерекшеліктері, артықшылықтары мен шектеулері салыстырылды. Апельсин қабығынан алынатын флавоноидтар мен пектиндерді функционалдық тағам өнімдерін, фармацевтикалық тасымалдаушы жүйелерді, биологиялық ыдырайтын қаптамаларды және сорбциялық материалдарды әзірлеуде қолдану мүмкіндіктері қарастырылды. Талдау нәтижелері апельсин қабығын кешенді өңдеу цитрус қалдықтарының көлемін азайтып, жоғары қосылған құны бар өнімдер алуға мүмкіндік беретінін көрсетті. Сонымен бірге биоактивті қосылыстардың биожетімділігін, қауіпсіздігін және өндірістік ауқымдағы экстракция тиімділігін қосымша зерттеу қажеттілігі анықталды.
Сведения · Details
- DOI 10.55956/siss3039
- Журнал · Journal Mechanics and Technologies
- Язык · Language английский
- Цитирования (Crossref) · Citations 0