Central Asian Research Index

Актуар молия ва бухгалтерия ҳисоби, 2026, т. 6, № 08

O‘ZBEKISTON HUDUDLARIDA KICHIK BIZNES MEHNAT UNUMDORLIGINING DRAYVERLARI VA 2030-YILGACHA RIVOJLANISH PROGNOZI

Kaypnazarova Gulshad Xojamuratovna

Аннотация · Abstract

Maqolada O‘zbekiston hududlarida kichik biznes subyektlari mehnat unumdorligiga ishlab chiqarish omillarining ta’siri panel ma’lumotlar modeli yordamida baholanib, 2030-yilgacha hududiy rivojlanish prognozi ishlab chiqilgan. Empirik baza 2015–2024-yillarda 14 ta hudud bo‘yicha 140 ta kuzatuvdan iborat. Natijaviy ko‘rsatkich sifatida bir band xodimga to‘g‘ri keladigan qo‘shilgan qiymat, mustaqil o‘zgaruvchilar sifatida asosiy kapital, investitsiyalar, innovatsion xarajatlar, kredit resurslari, axborot-kommunikatsiya texnologiyalaridan foydalanish indeksi va eksport hajmi tanlangan. Qat’iy effektlar modelida barcha koeffitsiyentlar musbat va statistik ahamiyatli bo‘lgan. Asosiy kapitalning ta’siri β=0,312, investitsiyalarning ta’siri β=0,247 va raqamli texnologiyalarning ta’siri β=0,218 darajasida baholangan. Modelning within R² ko‘rsatkichi 0,862, Durbin–Watson statistikasi 1,916 ni tashkil etgan. 2010–2025-yillar qatorlari asosidagi ARIMA prognozi hududlararo tafovutlar 2030-yilgacha saqlanishini ko‘rsatadi. 2030-yilda eng yuqori prognoz qiymati Toshkent shahrida 267 027,6 mlrd so‘mni tashkil etadi. Natijalar kichik biznes siyosatida kapital modernizatsiyasi, investitsiya, raqamlashtirish va hududiy differensial strategiyalarni ustuvorlashtirish zarurligini asoslaydi.

Сведения · Details