QO‘QON UNIVERSITETI XABARNOMASI, 2026, т. 19, № B, с. 14-19
MILLIY HUNARMANDCHILIK MAHSULOTLARINI ONLAYN PLATFORMALAR ORQALI EKSPORT QILISHNING IQTISODIY MEXANIZMINI TAKOMILLASHTIRISH
Аннотация · Abstract
Global iqtisodiyot sharoitida milliy hunarmandchilik mahsulotlarini eksport qilish jarayonini samarali tashkil etish zamonaviy raqamli texnologiyalar bilan chambarchas bog‘liqdir. Ushbu maqolada milliy hunarmandchilik mahsulotlarini onlayn platformalar orqali eksport qilishni barqaror rivojlantirishning o‘ziga xos xususiyatlari tahlil qilingan. Xususan, elektron tijorat platformalari orqali eksportni yo‘lga qo‘yish, mahsulotlarni jahon bozoriga olib chiqish imkonini kengaytirish, hunarmandlar daromadini oshirish va qo‘shimcha qiymat zanjirini optimallashtirishga qaratilgan. Tadqiqot doirasida milliy hunarmandchilik mahsulotlarini xalqaro elektron bozorlarga olib chiqishda raqamli savdo ko‘nikmalari, logistika xizmatlari, xalqaro elektron to‘lovlar, mahsulotni brendlash va raqamli marketing kabi omillarning o‘zaro bog‘liqligiga alohida e’tibor qaratilgan. Shuningdek, hunarmandlar uchun elektron tijorat platformalaridan foydalanish imkoniyatlarini kengaytirish, eksport jarayonidagi vositachilik xarajatlarini qisqartirish va mahsulotlarni xorijiy iste’molchilarga to‘g‘ridan-to‘g‘ri yetkazib berish mexanizmlarini takomillashtirish yo‘nalishlari ko‘rib chiqilgan. Milliy hunarmandchilik mahsulotlarining madaniy va estetik xususiyatlarini raqamli marketing vositalari orqali namoyon etish, mahsulot tarixini storytelling asosida yoritish hamda yagona milliy brend konsepsiyasini shakllantirishning eksport salohiyatiga ta’siri ham asoslangan. Mazkur yondashuv hunarmandchilikni an’anaviy faoliyat doirasidan chiqarib, raqamli iqtisodiyotning zamonaviy imkoniyatlari bilan uyg‘unlashgan eksportga yo‘naltirilgan iqtisodiy faoliyat sifatida rivojlantirishga xizmat qiladi.
Сведения · Details
- DOI 10.54613/ku.v19ib.1828
- Журнал · Journal QO‘QON UNIVERSITETI XABARNOMASI
- Язык · Language узбекский
- Цитирования (Crossref) · Citations 0
- Лицензия · License creativecommons.org/licenses/by/4.0