Central Asian Research Index

QO‘QON UNIVERSITETI XABARNOMASI, 2026, т. 19, № A, с. 126-130

IMMERSIV TEXNOLOGIYALARNI TA’LIM JARAYONIDA QO‘LLASHNING PEDAGOGIK ASOSLARI

Elmira Suyunova

Аннотация · Abstract

Mazkur maqolada immersiv texnologiyalarni zamonaviy ta’lim jarayoniga integratsiyalashning pedagogik asoslari, didaktik imkoniyatlari va ulardan samarali foydalanish shart-sharoitlari ilmiy-nazariy jihatdan tahlil qilingan. Immersiv ta’lim muhiti ta’lim oluvchini tayyor axborotni qabul qiluvchi subyektdan o‘quv vaziyatini kuzatuvchi, tahlil qiluvchi, amaliy harakatni bajaruvchi, qaror qabul qiluvchi va o‘z faoliyatini baholovchi faol subyektga aylantiruvchi pedagogik muhit sifatida talqin etilgan. Tadqiqot doirasida immersiv texnologiyalarning pedagogik imkoniyatlari tizimlashtirilib, ularning interaktivlik, vizuallashtirish, modellashtirish, tajribaviy o‘rganish, individual ta’lim, hamkorlikdagi faoliyat va o‘quv motivatsiyasini kuchaytirish bilan bog‘liq jihatlari aniqlangan. Shuningdek, real sharoitda bajarish murakkab, qimmat yoki xavfli bo‘lgan amaliy faoliyatlarni virtual muhitda xavfsiz tarzda modellashtirish, ularni takroriy bajarish va turli yechimlarni sinab ko‘rish imkoniyatlari asoslab berilgan. Immersiv muhitda kuzatish, tahlil qilish, amaliy harakatni bajarish, natijani tekshirish va xatolarni tuzatishdan iborat izchil o‘quv faoliyatini tashkil etish ta’lim oluvchilarning mustaqil fikrlashi va refleksiv ko‘nikmalarini rivojlantirish uchun muhim pedagogik imkoniyat sifatida baholangan. Maqolada immersiv texnologiyalarning samaradorligi texnologik vositaning o‘ziga emas, balki uning ta’lim maqsadi, mazmuni, metodlari, topshiriqlari, teskari aloqa va baholash mexanizmlari bilan uyg‘unligiga bog‘liqligi ta’kidlangan. Shu asosda immersiv ta’limni tashkil etishning muhim pedagogik shartlari sifatida texnologiyani maqsadga muvofiq tanlash, o‘quv kontentini didaktik jihatdan loyihalash, interaktiv va muammoli topshiriqlarni ishlab chiqish, ta’lim oluvchilarning individual xususiyatlarini hisobga olish, tezkor teskari aloqani ta’minlash, pedagoglarning raqamli-pedagogik kompetensiyasini rivojlantirish hamda zarur texnik infratuzilmani shakllantirish zarurligi ko‘rsatib berilgan.

Сведения · Details