QO‘QON UNIVERSITETI XABARNOMASI, 2026, т. 19, № B, с. 173-176
BO‘LAJAK BOSHLANG‘ICH SINF O‘QITUVCHILARINING ETNOESTETIK MADANIYATINI INTEGRATIV YONDASHUV ASOSIDA RIVOJLANTIRISH: TAJRIBA-SINOV NATIJALARI
Qo‘qon universiteti, Maktabgacha va boshlang‘ich ta’lim kafedrasi o‘qituvchisi, KU tayanch doktoranti.
Аннотация · Abstract
Maqolada bo‘lajak boshlang‘ich sinf o‘qituvchilarining etnoestetik madaniyatini integrativ yondashuv asosida rivojlantirish masalasi tajriba-sinov ma’lumotlari asosida o‘rganilgan. Etnoestetik madaniyat kognitiv, emotsional-aksiologik va xulq-atvorli komponentlardan iborat shaxsiy-kasbiy sifat sifatida talqin qilinib, har bir komponent uchun ikkitadan ko‘rsatkich belgilandi. Tajriba 2025-yilda bir semestr davomida Andijon davlat pedagogika instituti, Shahrisabz davlat pedagogika instituti va Navoiy davlat universitetining Boshlang‘ich ta’lim yo‘nalishidagi 420 nafar talaba (eksperimental guruh – 210, nazorat guruhi – 210) ishtirokida o‘tkazildi. Eksperimental guruhda “Etnoestetik refleksiya xaritasi”, “Etnoestetik immersiv tajriba”, “Etnoestetik kreativ laboratoriya” va boshqa mualliflik metodlari qo‘llanildi. Ma’lumotlar Pirson χ² va Fisher φ* mezonlari yordamida tahlil qilindi. Tajriba boshida guruhlar o‘rtasida farq aniqlanmadi (χ² = 0,01–0,16). Yakuniy bosqichda yuqori darajadagi talabalar ulushi oltita ko‘rsatkich bo‘yicha eksperimental guruhda 38,1–49,5% ni, nazorat guruhida 18,6–32,4% ni tashkil etdi; farq barcha ko‘rsatkichlar bo‘yicha p ≤ 0,01 darajada ahamiyatli. Eng katta farq emotsional munosabat (φ* = 5,67), eng kichigi etnoestetik qobiliyatlar (φ* = 2,46) bo‘yicha kuzatildi. Natijalardan pedagogika oliy ta’lim muassasalarining o‘quv dasturlarini takomillashtirishda foydalanish mumkin.
Сведения · Details
- DOI 10.54613/4sq5tj76
- Журнал · Journal QO‘QON UNIVERSITETI XABARNOMASI
- Язык · Language узбекский
- Цитирования (Crossref) · Citations 0
- Лицензия · License creativecommons.org/licenses/by/4.0