Артроскопическое оперативное лечение у возрастных пациентов с остеоартрозом коленного сустава
Созылмалы артропатия қазіргі уақытта тірек-қимыл аппараты ауруларының ішіндегі ең негізгі проблемалардың бірі болып табылады. Остеоартритті емдеу, әсіресе егде жастағы топтарда, ауру симптомдарының белсенділігін азайтуға ғана емес, сонымен қатар, оның өршуін төмендету - үлкен әлеуметтік-экономикалық маңызға ие болмақ.Зерттеудің мақсаты: тізе буынының остеоартриті бар егде жастағы науқастарды артроскопиялық хирургиялық емдеудің нәтижелерін бағалау.Әдістері. Жұмыста тізе буынының остеоартриті бар егде жастағы науқастарды артроскопиялық емдеудің нәтижелері берілген. Зерттеуге тізе буынының капсулярлы-байланысы аппаратының жарақаттары (крест тәрізді, медиальды және бүйір байламдарының, капсуланың зақымдануы) бар науқастарды қоспағанда, буынішілік құрылымдарында дегенеративті-дистрофиялық өзгерістері (менискальды жарақат, хондроматоз, синовит, механикалық обструкция салдарынан болған контрактура, экзотоздар, остеофиттер, қабыну аурулары) бар 65 науқас қамтылды. Науқастардың жасы 61-ден 85 жас аралығында болды, 61-75 жастағылары – 50 науқас (76,1%), 75 жастан жоғары – 15 науқас (23,9%) қатысты. Науқастардың орташа жасы 64,3±1,8 жасты құрады. Оның ішінде ерлер – 21 (32,3%), әйелдер – 44 (67,70%). Ерлер мен әйелдердің арақатынасы 1:3 болды. Біз H. Hempfling сипаттап кеткен стандартты алдыңғы тұстан қолжетімділік тәсілін қолданып, тізе буынының артроскопиясын жасадық.Нәтижелері. Көрнекі аналогтық шкала бойынша ауырсыну қарқындылығының динамикасын бағалау кезінде ауырсынудың 5 баллға дейін төмендеуіне қол жеткізілді. Операциядан кейін 3-7 күннен кейін түнгі ауырсынуды тоқтату және 3-4 аптадан кейін ауырсынудың жоғалуы түрінде емдеудің оң нәтижелерге қол жеткізілді. Артроскопиялық дебридменттен кейінгі кезеңде емдеудің Лекес шкаласы бойынша 2-3 баллға дейінгі оң нәтижелер анықталды.Қорытынды. Егде жастағы науқастарда артроскопиялық хирургиялық емдеу буын экскурсиясына механикалық кедергілерді жоюға және тізе буынының қалыпты қозғалысын қалпына келтіруге, тізе буынының контрактурасы бар науқастарда шеміршектің қоректенуін қалпына келтіруге және қабыну процесін жоюға мүмкіндік береді.
Сведения
- Опубликовано
- 2024 · С. 9-14
- Язык
- Русский
- ISSN
- 2789-9632 · 2789-9640
- Издатель
- National Scientific Center of Traumatology and Orthopaedics named after Academician N.D. Batpenov