Жанубий оролбўйи тиббиёт журнали, 2026
QIZAMIQDAN KEYINGI SUBAKUT SKLEROZLOVCHI PANENSEFALIT: KLINIK-NEVROLOGIK BELGILAR VA MRT-DINAMIKASINING UZOQ MUDDATLI KUZATUVI
Central Asian Medical University Yuqumli kasalliklar va ftiziatriya kafedrasi assistenti
Аннотация · Abstract
Subakut sklerozlovchi panensefalit (SSPE) — qizamiq virusining markaziy asab tizimida uzoq vaqt saqlanib qolishi bilan bog‘liq bo‘lgan, kam uchraydigan, ammo og‘ir kechuvchi progressiv neyrodegenerativ kasallikdir. Kasallikning klinik belgilari qizamiq infeksiyasidan bir necha yil o‘tgach namoyon bo‘lishi mumkin. Mazkur maqolada erta bolalik davrida qizamiq bilan kasallangan bemorda keyinchalik rivojlangan progressiv nevrologik buzilishlarning klinik kechishi va neyroimaging dinamikasi tahlil qilindi. Klinik kuzatuv davomida dastlab yiqilishlar, nutqning buzilishi va takroriy mushak tortishishlari kuzatilgan, keyinchalik tutqanoq xurujlari, yutish funksiyasining buzilishi, ong darajasining pasayishi hamda og‘ir motor defitsit shakllangan. Elektroensefalografik tekshiruvlarda patologik o‘zgarishlar aniqlangan. Magnit-rezonans tomografiya tekshiruvlarining dinamik tahlili dastlabki davrda oq moddadagi o‘choqli o‘zgarishlardan keyinchalik bosh miya po‘stlog‘i va miyacha atrofiyasining rivojlanishi hamda kuchayishini ko‘rsatgan. Klinik-nevrologik belgilar va MRTdagi progressiv o‘zgarishlar qizamiqdan keyingi SSPE ehtimolini ko‘rsatadi. Ushbu klinik holat qizamiq infeksiyasini, ayniqsa erta yoshdagi kasallanishni, uzoq muddatli nevrologik asoratlar nuqtayi nazaridan baholash va progressiv nevrologik simptomlar paydo bo‘lgan bemorlarda SSPEni differensial diagnostikada hisobga olish zarurligini ko‘rsatadi.
Сведения · Details
- DOI 10.5281/zenodo.23005439
- Журнал · Journal Жанубий оролбўйи тиббиёт журнали
- Язык · Language узбекский
- Цитирования (Crossref) · Citations 0