КАРАХАНДАРДА КЫЗДАРГА КОЮЛГАН ЫСЫМДАР (МАХМУД КАШГАРИНИН “ДИВАН ЛУГАТ АТ-ТҮРК” СӨЗДҮГҮНҮН МИСАЛЫНДА)
Ономастика тил илиминин ысымдар тармагын кучагына алган бөлүк. Ономастика илиминин антропонимика тармагы адам ысымдарын изилдөөгө багытталган. Адам аттарында элдин тарыхы, тарыхый аң-сезими, ишенимдери ж.б. катылып жатат. Айрым учурда унутулган сөздөр адам аттарында гана сакталып калат. Аны изилдеп, фольклорудк жана этнографиялык булактар менен салыштырып, белгилүү бир элдин коңшу элдер менен болгон маданий байланыштарын, жер аттарын ж.б. тактап алууга болот. Орто кылымдарда карахандар доорунун аалымы Махмуд Кашгаринин “Диван Лугат ат-Түрк” эмгегинде көптөгөн этнографиялык маалыматтар менен кошо адам аттары да берилген. Махмуд Кашгаринин эмгегинде негизинен эркектердин ысымдары берилген. Бирок ошентсе да алардын арасында карахандар доорунда кеңири тараган кыздарга коюлган аттар да катталган. Макалабызда карахандардагы кыздарга коюлган түрк тектүү ысымдарды классификациялап, аларды азыркы кездеги кыргыз коомунда кыздарга коюлган аттар менен салыштырып караганга аракеттендик.
Сведения
- Опубликовано
- 2024 · № 2(4), С. 1-13
- Язык
- Кыргызский
- Цитирований
- 1
- ISSN
- 1694-8874
- Издатель
- Osh State University