Central AsianResearch Index

ИНФОРМАТИКАНЫ ОКУТУУДАГЫ ЖАСАЛМА ИНТЕЛЛЕКТТИН ОРДУ

Кайсыл гана коом болбосун, адамзат келечек муунга тарбия берүү жана аларды сапаттуу билим менен камсыздоо маселесин биринчи орунга коюп, билим берүү тармагын жакшыртуунун үстүндө иш алып барышат. Бүгүнкү күндө жаңы маалыматтык-коммуникациялык технологиялардын өнүгүшү менен аларды окуу процессине интеграциялоо мүмкүнчүлүктөрү кеңейип, окуу процессинде ар түрдүү формаларда колдонулуп, билим берүүнүн ыкмаларын жаңыртууга жана алардын сапатын жогорулатууга чоң мүмкүнчүлүктөрдү түзүп берүүдө. Бул технологиялардын мүмкүнчүлүктөрү күн сайын күтүлбөгөн жаңы ачылыштар менен толукталууда. Айрыкча акыркы жылдардагы жаңы технологиялар жана жасалма интеллект системалары, анын ичинде ChatGPT сыяктуу тексттик интеллектуалдык генераторлор коомдо түрдүү пикирлерди жаратып, ишмердүүлүктүн көптөгөн тармактарындагы өкүлдөрүн ойлонууга мажбур кылууда. Ошондуктан, билим берүү тармагында негизги басым МКТнын мүмкүнчүлүктөрүн эффективдүү пайдалануу аркылуу билим берүүнүн сапатын жогорулатууга жана окуучулардын даярдыгын жакшыртууга багытталат. Бул макалада жасалма интеллект, интернет нерселер (IoT), блокчейн, кошумча жана виртуалдык чындык (AR/VR), ошондой эле чоң маалыматтардын (Big Data) билим берүүдө колдонулуш тенденциялары баса белгиленип, жасалма интеллект жана анын тексттик интеллектуалдык генераторлорунун информатика предметинде пайдаланылышы каралып, информатика предметинде айрым жасалма интеллект куралдарын колдонуу мисалдары келтирилген.

Сведения

Опубликовано
2024 · № 2(5), С. 25-31
Язык
Русский
ISSN
1694-8742
Издатель
Osh State University