«САРКЕНТ» МАМЛЕКЕТТИК ЖАРАТЫЛЫШ ПАРКЫНЫН АЙМАГЫН БАЙЫРЛАГАН ЖАПАЙЫ ДОҢУЗДУН (Sus scrofa Linnaeus, 1758) ПОПУЛЯЦИЯЛЫК ӨЗГӨЛҮКТӨРҮ
Макалада 2012 – 2019-жылдар аралыгында «Саркент» МЖПнын аймагындагы доңуздун (Sus scrofa (Linnaeus, 1758)) таралуу өзгөчөлүктөрү боюнча изилдөөнүн жыйынтыктары берилген. Парктын аймагында жапайы доңуздун таралуу жыштыгы, аймактардын өзгөчөлүгүнө байланыштуу кескин айырмаланып турат. Алсак Асман Жайлоо капчыгайында жапайы доңуздун баш саны акыркы жылдары 1 000 гектарына 1,32±0,06 баштан 6,86±0,06; 8,18±0,06 башка чейин өскөн, Бексууда 1 000 гектарына 3,37±0,03башка барабар. Кээ бир аймактарда Теңизбайда алгачкы жылдары жапайы доңуз кездешкен эмес, кийинки жылдары алардын башы кескин жогорулап 1000 гектарына 4,58±0,05 жана 4,33±0,03башка барабар болгон. Ал эми, Кашка Суу, Көл, Эски Мечит, жана Айкөл капчыгайларында жапайы доңуздун таралуу жыштыгы 1 000 гектарына 1,90±0,01баш менен 2,96±0,02баштын аралыгын түзөт. Бул маалыматтардын жыйынтыгы боюнча алып караганда дагы эле болсо жапайы доңуздун саны өткөн кылымга салыштырмалуу өтө эле төмөнкү чекке түшүп кеткендиги байкалып турат. Жапайы доңуздун сандык динамикасы боюнча дагы кескин айырмаланып, Бек-Сууда - 0,28±0,19% дан 2,82±0,62% га чейин; Асман Жайлоодо - 0,70±0,31% дан 4,38±0,79% га чейин; Кашка Сууда- 0,28±0,19% дан 2,96±0,64% га чейин өзгөрүлүп турат. Ал эми жалпы парктын аймагы боюнча жапайы доңуздун динамикалык көрсөткөчтөрү 3,25±0,67 пайыздан 19,1±1,47пайызга чейин жогорулагандыгы аныкталды
Сведения
- Опубликовано
- 2025 · № 1(6), С. 15-24
- Язык
- Кыргызский
- ISSN
- 1694-8688
- Издатель
- Osh State University