АЗОЛЛА КАРОЛИНАНЫН БИОЭКОЛОГИЯЛЫК ӨЗГӨЧӨЛҮКТӨРҮ ЖАНА СЕЗОНДУК КӨБӨЙҮҮСҮ
Кыргызстандын шартында Azolla cаroliniana вегатативдик жол менен көбөйөт. Энелик өсүмдүктүн жанындагы бутактары жетилип, оңой эле энелик денеден ажырайт. Ажыраган каптал бутактар суунун агымы менен таркалып, өз алдынча өсө башташат. Март, апрель айларында 1 суткада орточо 65-80 г/м2 биомассаны пайда кылат. Апрелдин аягы, май, июнь айларында 110 г/м2 тартып 185-190 г/м2 биомассаны пайда кылат. Azolla саroliniana Willd. нын максималдуу көбөйүү, өсүү мезгили болуп июль, август, сентябрь айлары саналат. Бул мезгилде азолла суу бетин килемдей каптап калат. Октябрь, ноябрь айларында өсүмдүктүн жалбыракчалары жашыл түстөн кочкул кызыл түскө өтүп, тамыр-сабактары кыскара баштайт. Споралары суунун агымы, канаттуулардын жардамында, антропогендик таасирлерде таралат. Декабрь, январь, февраль айларында камыш, рогоздордун арасында калган азолла өсүүсүн токтотпойт.
Сведения
- Опубликовано
- 2024 · № 1(4), С. 8-14
- Язык
- Кыргызский
- Цитирований
- 1
- ISSN
- 1694-8688
- Издатель
- Osh State University