Т. КЕНЕНСАРИЕВ ЖАҢЫ ДООРДУН ТАРЫХНААМАСЫНДАГЫ ЖАРАТМАН ТАРЫХЧЫ
Т.Кененсариев Кыргызстандын жаңы доордогу тарыхын изилдөөгө зор салым кошкон кыргыздын чыгаан окумуштуусу. Макалада кыргыз элинин жаңы мезгилдеги тарыхынын орчундуу маселелерин эмгектеринде чагылдырган чыгаан кыргыз тарыхчысынын кошкон салымы каралат. Т.Кененсариевдин мурасы анын жазган эмгектеринде, тарыхчыны илимге берилген инсан катары мүнөздөгөн кесиптештеринин, замандаштарынын эскерүүлөрүндө сакталып калган. Теманын актуалдуулугу Т.Кененсариевдин өмүрүн жана чыгармачылыгын изилдөө Кыргызстандын тарых илиминин жана тарыхый ойлордун мындан аркы өнүгүшүнө салым кошо тургандыгы менен да мүнөздөлөт. Профессордун Кыргызстанда тарых илиминин жана жогорку тарыхый билим берүүнүн калыптанышына жана өнүгүшүнө кошкон салымы баа жеткис. Т.Кененсариев Кокон хандыгынын жана падышалык доордун тарыхын чагылдырууда эбегейсиз жана баалуу илимий мурас калтырган. Т.Кененсариевдин изилдөөлөрү Фергана өрөөнүндөгү боштондук күрөштүн тарыхын жаңыча чагылдырат. Алардын ичинде 1898-жылдагы Анжиян көтөрүлүшү, 1916-жылдагы көтөрүлүш боюнча изилдөөлөрү белгилүү.
Сведения
- Опубликовано
- 2024 · № 1(4), С. 28-37
- Язык
- Кыргызский
- ISSN
- 1694-867X
- Издатель
- Osh State University