ЭГЕМЕНДҮҮЛҮК ЖЫЛДАРЫНДА КЫРГЫЗСТАНДЫН «ЛЕГЕНДАРЛУУ» ПАРЛАМЕНТИНИН – ЖОГОРКУ КЕҢЕШИНИН КАЛЫПТАНЫШЫ ЖАНА АНЫН МАМЛЕКЕТТИК-УКУКТУК РОЛУ
Маанилүүлүк. 1990-жылдын апрель айынан тарта 1994-жылдын сентябрь айына чейин иштеген он экинчи чакырылган Кыргызстандын Жогорку Кеңешинин ишмердүүлүгү – «легендарлуу» парламент деп аталып калган. Азыркы учурда Кыргызстандын андан аркы оптималдуу өнүгүү жолун издөөдө, өткөн жолдун жана азыркы мезгилдеги өлкөнүн мамлекеттик курулушунун тажрыйбасын талдоо аркылуу анын баалулугун билүү чоң саясий мааниге ээ болууда. Басып өткөн жолго көз чаптыруу - биздин ата-бабаларыбыздын кылган ишине жалаң эле таазим этпестен, өзүбүзгө пайдалуу сабактарды алып чыгуу. Бул шарт биздин мамлекетибиздин мындан ары өнүгүүгө багытталган келечектеги маселелерди аныктоо үчүн сөзсүз керектүү. Адамзаттын тарыхы көрсөтүп жаткандай, ар бир өлкө демократияга өз жолу менен барат. Бул жолдо ар бир өлкөнүн өз өзгөчөлүктөрү болот, бул шарт Кыргызстанга да тиешелүү. Буга далил катары 1990-жылдын апрель айынан 1994-жылдын сентябрь айына чейин өз ишин жүргүзгөн Кыргыз Республикасынын XII чакырылышындагы Жогорку Кеңештин ишмердүүлүгүн келтирсек.
Сведения
- Опубликовано
- 2023 · № 1(2), С. 17-27
- Язык
- Кыргызский
- ISSN
- 1694-867X
- Издатель
- Osh State University