Central AsianResearch Index

МЕКТЕП ОКУУЧУЛАРЫНЫН ЭКОЛОГИЯЛЫК ТАРБИЯСЫН ЖАНА МАДАНИЯТЫН КАЛЫПТАНДЫРУУ ЖОЛДОРУ

Макалада окуучулардын экологиялык тарбиясын жана маданиятын калыптандырууга багытталган заманбап билим берүү шарттарындагы практикалык ишмердүүлүктүн натыйжалары көрсөтүлгөн. Изилдөө материалдары Ош шаарынын окуучуларынын, ата-энелеринин жана мугалимдеринин экологиялык маданиятын өнүктүрүүгө, ошондой эле айлана-чөйрөнүн абалын жакшыртууга багытталган сурамжылоолор, интервьюлар, анкеталар жана практикалык сабактар аркылуу чогултулган. Изилдөөнүн натыйжалары теориялык билим менен практикалык ишмердүүлүктүн ортосунда белгилүү бир дал келбөөчүлүктөрдү аныктады. Алынган маалыматтарды талдоо дескриптивдик статистика методдорун колдонуу менен жүргүзүлүп, пайыздык түрдө көрсөтүлгөн. Изилдөөнүн жыйынтыгы боюнча сунуштар иштелип чыкты. Иште Ош шаарынын Курманжан Датка муниципалдык районундагы тиричилик калдыктарынын полигонунда өткөрүлгөн, окуучулардын экологиялык тарбиясын калыптандырууга багытталган практикалык сабактардын натыйжалары да эске алынган. Туруктуу өнүгүү принциптерине негизделген заманбап экологиялык билим берүү теориялык гана эмес, практикалык да болушу керек, бул окуучуларды реалдуу экологиялык көйгөйлөрдү чечүүгө колдонула турган билим менен камсыз кылат деп белгиленет. Окуучуларды экологиялык тарбия жана маданият маселелерин түшүнүүгө, ошондой эле практикалык ишмердүүлүккө активдүү тартуу зарылдыгы баса белгиленет. Мугалимдер үчүн жаңы методикалык ресурстарды иштеп чыгуу, тажрыйба алмашуу үчүн онлайн платформаларды түзүү жана окуучуларды окутуу үчүн санариптик куралдарды киргизүү сунушталат.

Сведения

Опубликовано
2025 · № 4, С. 151-162
Язык
Русский
ISSN
1694-7452 · 1694-8610
Издатель
Osh State University