“МАНАС” ЭПОСУН ОКУТУУДА КЕПТИН МОНОЛОГДУК ТҮРҮ МЕНЕН ИШТӨӨ
Макалада “Манас” эпосунун материалында оозеки кептин монологдук түрү менен иш алып баруунун натыйжалуу методикалык ыкмалары берилген. Диалогдук кептин негизинде калыптанган монолог кеби – окуучудан эпостун тексти боюнча тереӊ билимди, билгичтиктерди жана оозеки сүйлөөнүн көндүмдөрүн талап кылган кептин татаал түрү болуп саналат. Автор монологдук кептин репродуктивдүү түрү болгон кайра айтып берүүдөн кийинки продуктивдүү түрүнө – докладга кеӊири токтолгон. Докладдын маалыматтык, изилдөөчүлүк, проблемалуу – талаштуу түрлөрүн талдап жана эпостун мазмуну боюнча мисалдарды келтирген. Айрыкча, талаштуу маселеге карата ар түрдүү позицияларды карап чыгып, алардын күчтүү жана ката жактарын реалдуу талдап, ага карата өз көз карашын иштеп чыгууга үйрөтүү сыяктуу мугалимдин татаал иши докладдын проблемалуу түрүнө даярдоодо ачык көрүнөт. Негизинен, окуучунун эпостун кыргыз тилинин байлыгын түзгөн көркөм сөз каражаттарын өздөштүрүп, аларды учурдун талабына шайкеш келген иш формасында колдоно билүүсү зарыл. Автор эпостун тексти боюнча окуучуларды докладдын түрлөрүн даярдоо менен машыктыруу ыкмасы угуучуларды өз ойлору, идеялары менен оозеки кеп аркылуу ишендирүү, таасир бере алуу сыяктуу заманбап көндүмүн калыптандырат деп белгилеген.
Сведения
- Опубликовано
- 2024 · № 3, С. 107-115
- Язык
- Кыргызский
- ISSN
- 1694-7452 · 1694-8610
- Издатель
- Osh State University