Central AsianResearch Index

ЭРКИН КОТОРМО ЖАНА АНЫН САПАТ БЕЛГИЛЕРИ

Бул макалада чыгарманын индивидуалдуу өзгөчөлүгүн, улуттук колоритин өз калыбындай которуп берүү-котормочунун ийгилин камсыз кылган негизги фактор экени айтылат. Котормочунун кесипкөйлүк деңгээли, мурун-соңку котормо ишиндеги тажрыйбасы, өз лабораториясындагы усулдары да мааниге ээ. Котормочу биринчи кезекте көркөмдүктү, кооздукту, чыгарманын идеясы менен духун жүрөгү менен терең сезген адабиятчы болуу менен бирге түпнусканын тилин ошондой эле өз эне тилиндей эң жакшы билиши зарыл. Билгенде да эки тилдин бир гана адабий тилинин нормасында эмес, алардын бүткүл тилдик корун, диалектисин, говорлорун, жаргондорун, кесиптик-техникалык өзгөчөлүгүнө байланышкан жактарын, терминологиялык сөздүктөрүн жакшы билиши зарыл. Ошону мнен бирге таржымалай турган түпнуска жазылган доордун саясий-экономикалык, коомдук-формациялык түзүлүшүн, маданий өзгөчөлүктөрүн, андагы эл аралык карым-катнаштардын мүнөзү, элдин каада-салты, үрп-адаты, салт-санаасы, менталитети менен белгилүү деңгээлде тааныш болушу керек.

Сведения

Опубликовано
2023 · № 2, С. 185-202
Язык
Русский
Цитирований
1
ISSN
1694-7452 · 1694-8610
Издатель
Osh State University