ЖКО ЖАҒДАЙЛАРЫН ЗЕРТТЕУ КЕЗІНДЕ АВТОМОБИЛЬ ЖОЛЫ УЧАСКЕСІНІҢ ҚАУІПТІЛІГІН САРАПТАМАЛЫҚ БАҒАЛАУ
Мақалада жол-көлік оқиғаларын инженерлік-сараптамалық зерттеу барысында автомобиль жолы учаскелерінің қауіптілігін бағалаудың қолданыстағы әдістеріне талдау жүргізілді. Қолданыстағы статистикалық, ықтималдық және функционалдық тәсілдердің жол қозғалысы ережелерімен рұқсат етілген жылдамдық режимінде орын алатын ЖКО себептерін толық анықтаудағы шектеулері айқындалды. Осы мәселені шешу мақсатында жол жағдайларының қауіптілік коэффициентіне негізделген автомобиль жолы учаскесінің қауіптілігін сараптамалық бағалау әдістемесі ұсынылды. Әдістеме жолдың геометриялық параметрлері, жабынның ілінісу қасиеттері, көріну қашықтығы және қозғалыс жағдайлары негізінде қауіпсіз қозғалыс жылдамдығын есептеуге, оны нормативтік рұқсат етілген жылдамдықпен салыстыруға және қауіпті жол учаскелерін объективті анықтауға мүмкіндік береді. Ұсынылған тәсілдің ғылыми жаңалығы нормативтік жылдамдық пен нақты жол жағдайларына сәйкес қауіпсіз қозғалыс жылдамдығы арасындағы сәйкессіздікті сандық түрде сипаттайтын жол жағдайларының қауіптілік коэффициентін енгізуімен ерекшеленеді. Зерттеу нәтижелері ұсынылған әдістеменің жол қозғалысы қауіпсіздігін бағалауда, соттық автотехникалық сараптамада, жолдарды пайдалану қызметінде және қауіпті учаскелерді анықтау кезінде практикалық қолдануға жарамды екенін көрсетті.
Сведения
- Журнал
- Вестник КазАТК
- Опубликовано
- 2026 · Т. 4, № 145, С. 87-105
- Язык
- Казахский
- ISSN
- 1609-1817 · 2790-5802
- Издатель
- JSC Academy of Logistics and Transport