БІЛІМ АЛУШЫЛАРДЫҢ ЦИФРЛЫҚ ІЗДЕРІНІҢ МОДЕЛІН, БІЛІМ БЕРУ ГРАФТАРЫН ТОПОЛОГИЯЛЫҚ ЖӘНЕ ЭНТРОПИЯЛЫҚ ТАЛДАУ
Оқытуды басқару жүйелері (LMS) білім алушылардың цифрлық іздері түрінде үлкен көлемдегі деректерді қалыптастырады. Қолданыстағы талдау әдістері көбіне скалярлық көрсеткіштерге негізделгендіктен, оқу әрекеттерінің күрделі әрі сызықтық емес құрылымын толық сипаттай алмайды. Осы мақалада білім алушының цифрлық ізі өлшенген бағытталған уақыттық граф түрінде ұсынылған математикалық модель әзірленді. Ұсынылған модельде дәрістер, тапсырмалар, тесттер және басқа LMS элементтері арасындағы байланыстар ескеріліп, оқу траекториясының желілік талдау әдістері арқылы зерттеу қарастырылған. Оқу мінез-құлқын сипаттау үшін графтың тығыздығы, түйіндердің орталықтылығы және Шеннонның ақпараттық энтропиясы көрсеткіштерін пайдалану ұсынылады. Ұсынылған модельді тексеру мақсатында Python бағдарламалау тілінде Марков ауысу матрицаларын қолдану арқылы Есенов университетінің LMS журналдары негізінде есептеу эксперименті жүргізілді. Алынған нәтижелер ұсынылған метрикалардың қолданбалы тиімділігін көрсетіп, студенттердің оқу траекториясының ақпараттық энтропиясын детерминистік және іздеу-хаостық кластерлерге эмпирикалық түрде бөлуге мүмкіндік беретінін көрсетті. Ұсынылған тәсіл болашақта графтық нейрондық желілерді (GNN) пайдалана отырып, академиялық үлгерімді болжау міндеттерінде қолданылуы мүмкін.
Сведения
- Журнал
- Вестник КазАТК
- Опубликовано
- 2026 · Т. 144, № 3, С. 187-197
- Язык
- Казахский
- ISSN
- 1609-1817 · 2790-5802
- Издатель
- JSC Academy of Logistics and Transport