ЖАППАЙ АШЫҚ ОНЛАЙН КУРСТАРЫН ЖҮЗЕГЕ АСЫРАТЫН ПЛАТФОРМАНЫҢ МОДЕЛІН ҚҰРУ МӘСЕЛЕЛЕРІ
Бұл мақалада жаппай ашық онлайн курстарды (ЖАОК) жүзеге асыратын платформаның моделін құрудың негізгі аспектілері қарастырылады. Авторлар білім беру саласында ЖАОК-ның маңыздылығын атап өтіп, олардың тиімді жүзеге асырылуы үшін қажетті талаптарды талдайды. Зерттеу барысында Coursera, edX, Udacity, Stepik, enbek.kz сияқты платформалар салыстырылып, олардың функционалдығы, интерфейс ыңғайлылығы, мультимедиа мүмкіндіктері және пайдаланушы қажеттіліктерін қанағаттандыру деңгейі зерттелген. Мақалада ЖАОК платформасының концептуалды моделін құруға арналған ADDIE моделі қолданылған. ЖАОК платформасының пайдаланушылары ретінде студенттер, оқытушылар және әкімшілердің қажеттіліктері ескеріліп, интерфейс дизайны, оқу материалдарын басқару, бағалау жүйесі, сертификаттау модулі сияқты негізгі функционалдық модульдер сипатталған. Сонымен қатар, платформада аналитикалық құралдарды енгізу, мультимедиа контентін қолдану және адаптивті оқыту жүйесін құру ұсынылады. Авторлар ЖАОК платформасының тиімділігін арттыру үшін пайдаланушы интерфейсінің қарапайымдылығы, мобильді құрылғыларға бейімділігі және деректер қауіпсіздігін қамтамасыз ету сияқты мәселелерге ерекше назар аударады. Сауалнама нәтижелері пайдаланушылар үшін курстардың әртүрлілігі мен олардың қолжетімділігінің маңыздылығын көрсеткен. Мақалада ұсынылған концептуалды модель ЖАОК платформаларын дамыту үшін берік негіз болып табылады және Қазақстандағы онлайн білім берудің сапасын арттыруға ықпал етеді.
Сведения
- Журнал
- Вестник КазАТК
- Опубликовано
- 2025 · Т. 137, № 2, С. 209-220
- Язык
- Казахский
- Цитирований
- 1
- ISSN
- 1609-1817 · 2790-5802
- Издатель
- JSC Academy of Logistics and Transport