Central AsianResearch Index

METHODS OF USING CHICKPEA PROTEIN ISOLATE IN THE FOOD INDUSTRY

НОҚАТ БҰРШАҒЫНЫҢ АҚУЫЗ ИЗОЛЯТЫН ТАҒАМ ӨНДІРІСІНДЕ ПАЙДАЛАНУ ЖОЛДАРЫ

Бұл мақалада ноқат ақуыздарының изолятын алу технологиясын жасау және оның физика-химиялық қасиеттерін зерттеу қарастырылған. Аталған мақсатқа жету үшін келесі міндеттер қойылды: ноқаттың химиялық құрамын талдау; ноқат ақуызының изолятын алудың оңтайлы шарттарын анықтау; алынған ноқат ақуызының изолят физика-химиялық қасиеттерін зерттеу және оның биологиялық құндылығын анықтау. Зерттеу нысаны - ноқат бұршағы және ноқат бұршағынан ақуыз изоляты. Зерттеу жұмысының міндеттеріне сәйкес ноқат бұршағының химиялық құрамы (100г): ылғал мөлшері 3%, ақуыз мөлшері 28,5% және май мөлшері 5,3% екені анықталды. «Юбилейный» сортының ноқат бұршағынан ақуыз изоляты алдын ала майсыздандырылған шикізаттан ақуызды сілтілі экстракциялау және қышқыл ортада ақуызды тұндыру арқылы алынды. Ноқат бұршақтарының ақуызын алу кезінде рН=11 тең сілтілі ортасында ақуыздың ең көп шығымдылығы байқалды. Тәжірибеде «Юбилейный» ноқат ақуызының изоэлектрлік нүктесі рН=4,6 тең екендігі белгілі болды, осыған байланысты қышқыл ортада ақуыздың максималды тұндырылуы аталған рН-та жүргізілді. Тұнба 0,15-0,20 кПа қысымда және 50 °С температурада лиофилизация әдісімен кептірілді. Алынған ақуыз изолятының ылғалдылығы 6,0%; ақуыз мөлшері 90%; май мөлшері 0,4% болды. Алынған ноқат ақуызының изоляты ФАО/ДДҰ-ның аминқышқылдардың эталондарымен салыстырылып, барлық қажетті аминқышқылдарын жеткілікті мөлшерді көрсетті. Аминқышқылдарының СКОР есептеу «Юбилейный» ноқат бұршақтарынан алынған ақуыз изоляты үшін шектеуші амин қышқылы Лизин екенін көрсетті (47%). Басқа алмастырылмайтын аминқышқылдарының СКОР-ы 100%-ға жақын. Ноқат ақуызы изолятының биологиялық құндылығы 63% құрады

Сведения

Опубликовано
2023 · Т. 67, С. 130-140
Язык
Английский
ISSN
1607-2782 · 2958-8359 · 2958-8367
Издатель
Korkyt Ata Kyzylorda University