Central AsianResearch Index

ЕЛДЕС ОМАРОВТЫҢ ӨМІРІ МЕН ҚЫЗМЕТІНЕ ДЕРЕКТАНУЛЫҚ ТАЛДАУ

Кіріспе. Мақалада қазақтың зиялы тұлғаларының бірі Елдес Омаровтың өмірі мен қоғамдық-саяси, ғылыми-ағартушылық қызметі деректанулық негізде жан-жақты талданған. Зерттеу жұмысына Қазақстан Республикасы, Ресей Федерациясы архив қорларының деректері мен баспасөз материалдары, жариаланған құжаттар жинақтары пайдаланылған. Деректерді салыстырмалы-тарихи және сын тұрғысында талдау нәтижесінде Елдес Омаровтың білім алу кезеңі, Алаш қозғалысына қатысуы, кеңестік уақыттағы ғылыми - педагогикалық қызметі, репрессия жылдарындағы өмірі ашып көрсетіледі. Мақсаты мен міндеттері: Елдес Омаровтың өмірі мен қызметін кешенді деректік материалдар негізінде қалпына келтіру және архивтік, мерзімді баспасөзде және арархивтік материалдар негізінде жарияланған деректерді жүйелеу талдау. Нәтижелері: Е.Омаровтың ұлттық білім беру жүйесінің қалыптасуына және қазақ ғылымының дамуына сүбелі үлес қосқанын білдіреді. Оған қоса деректердің әртүрлі түрлерін кешенді пайдалану зерттеудің обьективтілігін қамтамасыз ететіні айқындалған. Қорытынды: Е.Омаров жайлы жан-жақты талдау оның көпқырлы тұлға болғанын ашып көрсетеді: ол-ағартушы, ғалым және қоғам қайреткері. Зерттеу нәтижелері Елдес Омаровтың қазақ қоғамын ғылыми және мәдени даму тарихындағы орнын айқындап, оның өмірі мен қызметін әлі де тереңірек зерттеудің қажеттігін айқындай түседі.

Сведения

Журнал
Otan tarikhy
Опубликовано
2026 · Т. 29, № 2, С. 915-925
Язык
Казахский
ISSN
2788-9718
Издатель
Ch.Ch. Valikhanov Institute of History and Ethnology