Bulletin of Toraighyrov University Pedagogics series, 2022, № 4.2022, с. 261-272
ҰЛТТЫҚ БІЛІМ БЕРУДІ РЕФОРМАЛАУ ЖАҒДАЙЫНДА ПЕДАГОГТЕР БІЛІКТІЛІГІН АРТТЫРУДЫҢ ТИІМДІЛІГІ МӘСЕЛЕСІНЕ
Аннотация · Abstract
Бұл жұмыс Ұлттық білім беруді реформалау жағдайында педагог кадрлардың біліктілігін арттырудың тиімділігі мәселесіне арналған. Педагогтердің біліктілігін арттыру қосымша кәсіптік білім беру түрі ретінде қоғамда және білім беру саясатында болып жатқан өзгерістерге, педагогикалық ғылымдағы инновацияларға және педагогикалық практиканың қажеттіліктеріне ден қоюға арналған. Заманауи ғылыми әдебиеттерді шолуға сүйене отырып, авторлар қазіргі уақытта реформалардың кадрлық әлеуетін қамтамасыз ету үшін педагогтердің біліктілігін арттыру жүйесін жетілдірудің объективті қажеттілігі бар деп санайды. Автор ұлттық білім беруді реформалау жағдайында педагогтердің біліктілігін арттырудың әдіснамалық негіздерін әзірлеу үшін ғылыми алғышарттарға қарамастан, қазақстандық ғылымда ұлттық білім беруді реформалау жағдайында педагогтердің біліктілігін арттыру процесін ұйымдастырудың қағидаттары мен тәсілдерін ашатын зерттеулер көрсетілмегенін атап өтті. Білім беру жүйесіне жігерлі және білікті мұғалімдер қажет екендігі көрсетілген. Осыған байланысты, біліктілікті арттыру жүйесін жаңартудың өзектілігі шүбәсіз. Тыңдаушылар оқытудың негізгі мақсаттары оқыту мен тәрбиелеудің заманауи технологияларын, әдістерін меңгеруге деген ұмтылысын таңдағаны анықталды. Зерттеу нәтижелері тыңдаушыларда нормативтік-құқықтық, әдістемелік, психологиялық-педагогикалық және сабақты жоспарлауда қиындықтар басым болатындығын көрсетті. Қорытындылай келе, педагогтердің біліктілігін арттыру практикасы және заманауи педагогтің қазіргі жағдайдағы білім беру қызметіне дайындық дәрежесі туралы қорытынды жасалды.
Сведения · Details
- DOI 10.48081/yopv2150
- Журнал · Journal Bulletin of Toraighyrov University Pedagogics series
- Язык · Language казахский
- Цитирования (Crossref) · Citations 1