Central Asian Research Index

Bulletin of Toraighyrov University Pedagogics series, 2022, № 4.2022, с. 39-51

БІЛІМ БЕРУДЕГІ ГЕЙМИФИКАЦИЯ МОДЕЛЬДЕРІН ТАЛДАУ

С. С. Бекенова, А. С. Бекенова, Ж. С. Муталова

Аннотация · Abstract

Бұл мақалада соңғы жылдары білім беруді дамытуда өзектілігі артып отырған, ақпараттық және ойын технологияларын пайдалануға негізделген геймификация тәсілі қарастырылады. Авторлар заманауи білім беру контекстінде «геймификация» ұғымын талдап, оның танымал болу себептерін анықтайды. Геймификация концепциясы беріліп, «ойын» және «геймификация» ұғымдарының негізгі айырмашылықтары салыстырылады, білім беруде геймификацияны қолдану схемасы ұсынылады. Сондай-ақ PBL моделінің ұпайлар, белгілер және көшбасшылар тақтасы түріндегі үш ойын механикасын пайдалануға, К.Вербах пен Д.Хантердің алты D қадамына, Ю-Кай Чоудің «Октализіне», электрондық оқыту үшін геймификация моделіне жан-жақты сипаттама беріледі. Талдау ойын механикасы мен элементтерін ойыннан тыс контексте пайдалануға негізделген «геймификация» тәсілін салыстырмалы бағалау арқылы жүргізілген нәтижелерді білім беру жүйесінде қолдану ұтымдылығын анықтауға бағытталады. Оқыту саласындағы геймификация әлі де аз зерттелгеніне қарамастан, талданған зерттеулердің көптеген нәтижелері оның әсіресе мотивация, оқу процесіне тарту және оқу нәтижелерін жақсарту тұрғысынан жоғары әлеуетін көрсетеді. Осы мақалада сипатталған соңғы білім беру геймификация модельдерін білу геймификация мамандарына білім алушылардың мотивациясын, жетістіктерін және қатысуын арттыру үшін оқу әрекетінде жаңа стратегияларды әзірлеуге көмектеседі.

Сведения · Details