Bulletin of Toraighyrov University Pedagogics series, 2022, № 4.2022, с. 343-358
ПЕДАГОГИКАЛЫҚ ҮДЕРІСТЕ БЕЙВЕРБАЛДЫ ҚАРЫМ-ҚАТЫНАС АМАЛДАРЫН ҚОЛДАНУДЫҢ ТИІМДІЛІГІ
Аннотация · Abstract
Бұл мақалада оқытушының кәсіби қызметінде қолданылатын бейвербалды қарым-қатынас амалдары қарастырылады. Сөйлеу педагогикалық қарым-қатынастың негізгі құралы болғанымен, оқытушының бейвербалды қарым-қатынас амалдарын шебер қолдануы оқу материалын тереңірек түсінуге, білім алушылардың зейінін арттыруға және оларды сабақта белсенді етуге ықпал етеді. Ым-ишара, дене қалыбы, визуалды байланыс, дауыс ырғағы, дауыс екпіні, жанасу сынды амалдар кейде сөздерге қарағанда күшті әсер қалдырады. Сөйлеудің мәнерлілігі мен әсерлілігі оқытушының осы бейвербалды қарым-қатынас амалдарын шебер пайдалана білуіне де байланысты. Педагогикалық қарым-қатынаста оқытушының жағымды ым-ишараларды қолдануы маңызды. Бұл оқытушының коммуникативті мәдениетінің деңгейін айтарлықтай арттырып, оқу үдерісіне оң әсерін тигізеді. Мақалада ақпарат тасымалдаудың маңызды арнасы ретінде бейвербалды қарым-қатынас туралы түсінік пен жалпы мағлұмат беріледі. Педагогикалық үдерістің тиімділігіне ықпал ететін бейвербалды қарым-қатынастың негізгі амалдары анықталады. Сондай-ақ кәсіби педагогикалық қызметтегі бейвербалды қарым-қатынас амалдарына (ишара, ым-ишара, проксемика және визуалды байланыс) ерекше назар аударылады, оқу үдерісіндегі бейвербалды қарым-қатынас қызметтері сипатталады. Авторлар кәсіби оқытушы бейвербалды мінез-құлық сигналдарының мағынасын түсініп, оларды оқу-үдерісінде дұрыс қолдана білуі керек деген қорытындыға келеді.
Сведения · Details
- DOI 10.48081/jtzu5413
- Журнал · Journal Bulletin of Toraighyrov University Pedagogics series
- Язык · Language казахский
- Цитирования (Crossref) · Citations 0