Central AsianResearch Index

ЖОҒАРЫ ОҚУ ОРЫНДАРЫ СТУДЕНТТЕРІНІҢ МҮСІНДІК-КЕҢІСТІКТІК ОЙЛАУЫН ҚАЛЫПТАСТЫРУДЫҢ ПЕДАГОГИКАЛЫҚ ШАРТТАРЫ

Мақалада «Көркем еңбек және сызу мұғалімдерін даярлау» білім беру бағдарламасы бойынша педагогикалық жоғары оқу орындары студенттерінің мүсіндік-кеңістіктік ойлауын дамыту мәселесі қарастырылған. Көркем-педагогикалық білім беру мазмұнын жаңарту және цифрлық технологияларды белсенді енгізудің заманауи жағдайында ойлаудың кәсіби маңызды түрлерін дамытуға ықпал ететін тиімді әдістемелік шешімдерді іздеу қажеттілігі артып отыр. Зерттеудің мақсаты – студенттерді кәсіби даярлау процесінде мүсіндік-кеңістіктік ойлауды қалыптастыруды қамтамасыз ететін педагогикалық шарттарды негіздеу болып табылады. Цифрлық фотограмметрия қойылған мақсаттарға жету үшін визуалды талдау мен пішінді модельдеудің негізгі құралы ретінде пайдаланылды. Педагогикалық эксперименттің нәтижелері, оның ішінде келесідей шарттар кешенін енгізу ұсынылды: цифрлық технологияларды біріктіру, жобалық іс-шаралар, көрнекі бай білім беру ортасы және пішінге аналитикалық көзқарасты дамыту. Бақылау және эксперименттік топтарды салыстырмалы талдау ұсынылған әдіс бойынша оқыған студенттердің пайдасына кеңістіктік ойлаудың даму деңгейінде айтарлықтай айырмашылықтарды көрсетті. Сандық құралдарды көркемдік және практикалық іс-әрекеттің белсенді түрлерімен үйлестіру студенттердің кеңістіктік қиялын дамытуға, үш өлшемді объектілерді талдай білуге және болашақта оқыту тәжірибесінде жаңа технологияларды қолдануға дайын болуына ықпал ететіні көрсетілген. Кілтті сөздер: мүсіндік-кеңістіктік ойлау, көркемдік білім, кеңістіктік қиял, мұғалімнің дайындығы, шығармашылық, цифрлық технологиялар.

Сведения

Опубликовано
2026 · № 3, 2026, С. 223-239
Язык
Казахский
ISSN
2710-2661
Издатель
Toraighyrov University